សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់សិស្សសាលានៅអនុវិទ្យាល័យខ្ជាយ៩នាក់ ក្នុងនោះមានប្រុសម្នាក់បានដួលសន្លប់ជាបន្តបន្ទាប់បង្កការភ្ញាក់ផ្អើលដល់លោកគ្រូអ្នកគ្រូ និងលោកនាយកសាលាប្រញាប់ប្រញាល់ដឹកមកសង្គ្រោះនៅមន្ទីរពេទ្យបង្អែក ស្រុកដោយមិនដឹងមូលហេតុ ។
ហេតុការណ៍នេះ បានកើតឡើងកាលពីវេលាម៉ោង៨ និង១០នាទីព្រឹក ថ្ងៃទី២៣ ខែមករា ឆ្នាំ២០២០ នៅសាលាអនុវិទ្យាល័យខ្ជាយស្ថិតនៅភូមិខ្ជាយ ឃុំរមាំងថ្កោល ស្រុកស្វាយទាប ខេត្តស្វាយរៀង។
យោងតាមសមត្ថកិច្ចនគរបាល ស្រុកបានឲ្យដឹងថាសិស្សានុសិស្សដែល ដួលសន្លប់រួមមាន៖
១.ឈ្មោះសេក សានភេទស្រី អាយុ១៦ឆ្នាំ រៀនថ្នាក់ទី៩B រស់នៅភូមិគ្រញូង ឃុំរមាំងថ្កោល ស្រុកស្វាយទាប ខេត្តស្វាយរៀង ។
២.ឈ្មោះសេក សុផាភេទស្រី អាយុ១៥ឆ្នាំ រៀនថ្នាក់ទី៩A រស់នៅភូមិរមាំងថ្កោល ឃុំរមាំងថ្កោល ស្រុកស្វាយទាប ខេត្តស្វាយរៀង ។
៣.ឈ្មោះគឹម ហ្វារីដាភេទស្រី អាយុ១៥ឆ្នាំ រៀនថ្នាក់ទី៩B រស់នៅភូមិទន្លៀង ឃុំរមាំងថ្កោល ស្រុកស្វាយទាប ខេត្តស្វាយរៀង ។
៤.ឈ្មោះសាត ស្រីនាត ភេទស្រី អាយុ១៤ឆ្នាំ រៀនថ្នាក់ទី៧B រស់នៅភូមិឫស្សីជង្រុក ឃុំរមាំងថ្កោល ស្រុកស្វាយទាប ខេត្តស្វាយរៀង ។
៥. ឈ្មោះឃ្លាំង ឆេងចំប៉ា ភេទស្រី អាយុ១៤ឆ្នាំ រៀនថ្នាក់ទី៧A រស់នៅភូមិស្រម៉ជ្រំ សង្កាត់សង្ឃ័រក្រុងស្វាយរៀង ។
៦.ឈ្មោះឈឿន ចាន់ពិសី ភេទស្រី អាយុ១៣ឆ្នាំថ្នាក់ទី៧B រស់នៅភូមិរមាំងថ្កោល ឃុំរមាំងថ្កោល ស្រុកស្វាយទាប ខេត្តស្វាយរៀង ។
៧.ឈ្មោះជា សុខា ភេទស្រី អាយុ១៣ឆ្នាំ រៀនថ្នាក់ទី៧A រស់នៅភូមិរមាំងថ្កោល ឃុំរមាំងថ្កោល ស្រុកស្វាយទាប ខេត្តស្វាយរៀង ។
៨. ឈ្មោះសាត ចន្ធូ ភេទប្រុស អាយុ១៣ឆ្នាំ រៀនថ្នាក់ទី៧B រស់នៅភូមិស្វាយ ឃុំរមាំងថ្កោល ស្រុកស្វាយទាប ខេត្តស្វាយរៀង ។
៩. ឈ្មោះសុខ ស្រីណាត ភេទស្រី អាយុ១៤ឆ្នាំ រៀនថ្នាក់ទី៩B រស់នៅភូមិខ្នុរ ឃុំរមាំងថ្កោល ស្រុកស្វាយទាប ខេត្តស្វាយរៀង ។
បច្ចុប្បន្នសិស្សទាំង៩នាក់ កំពុងសំរាកព្យាបាលនៅមន្ទីរពេទ្យបង្អែក ស្រុកស្វាយទាប ខណៈគ្រូពេទ្យកំពុងតាមដានរកមូលហេតុដោយសិស្សមានអការវិលមុខ ណែនទ្រូង ពិបាកដកដង្ហើម និងអស់កម្លាំងផងដែរ ។
សូមបញ្ជាក់ថា ថ្ងៃទី២០ ខែមករា ឆ្នាំ២០២០ ស្ថិតនៅក្នុងឃុំប្រសូតិ និងឃុំខ្ជាយ ស្រុកស្វាយទាប ខេត្តស្វាយរៀង មានសិស្សានុសិស្សដែលដួលសន្លប់មានចំនួន១០នាក់ ដោយមានអការវិលមុខ ណែនទ្រូង ពិបាកដកដង្ហើម និងអស់កម្លាំង ខណៈមន្ត្រីមន្ទីរសុខាភិបាលខេត្តបានឲ្យដឹងជាបឋមថា ដោយសារអាកាសធាតុក្ដៅហួតហែងមិនមានទឹកគ្រប់គ្រាន់ ទើបបណ្ដាល ឲ្យមានបញ្ហាដួលសន្លប់នេះកើតឡើង ៕ យឹម សុថាន
