សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងល្បាតប៉ុស្តិ៍ប៉ុស្តិ៍នគរបាលរដ្ធបាលទួលទំពូង២ បានឃាត់ខ្លួនជនសង្ស័យម្នាក់ក្រោយពី ឆែកឆេររកឃើញទ្រព្យសម្បត្តិមួយចំនួន ដែលគួរឲ្យសង្ស័យ ហើយនាំយកទៅសួរនាំ ទើបបែកធ្លាយថា ជាចោរគាស់ផ្ទះប្រជាពលរដ្ឋ ។
ហេតុការណ៍នេះដែរ បានកើតឡើងកាលពីវេលាម៉ោង ៣ ទៀបភ្លឺ ថ្ងៃទី៥ ខែកុម្ភៈ ឆ្នាំ២០២០ នៅចំនុចផ្ទះលេខ១៨១ ផ្លូវ១៧៣ សង្កាត់ទួលទំពូង២ ខណ្ឌចំការមន រាជធានីភ្នំពេញ ។
សមត្ថកិច្ចបញ្ជាក់ថា ម្ចាស់ផ្ទះរងគ្រោះ មានឈ្មោះ ថម ម៉ៅ ភេទស្រី អាយុ៣៨ឆ្នាំ មុខរបរ នៅផ្ទះ ស្នាក់នៅ ផ្ទះកើតហេតុ ខាងលើ ។ ចំណែកជនសង្ស័យដែលសមត្ថកិច្ចឃាត់ខ្លួនបាននោះរួមមាន ឈ្មោះ ខែម សុខន ភេទប្រុស អាយុ ៣៨ឆ្នាំ មុខរបរ រើសអេតចាយ ស្នាក់នៅផ្ទះជួល សង្កាត់បឹងទំពុន២ ខណ្ឌមានជ័យ ។ នឹងជនសង្ស័យម្នាក់ទៀតជាបក្ខពួក មានឈ្មោះ សួរ ចំណាន អាយុ២៥ឆ្នាំ មុខរបរ រើសអេតចាយ ជាម្ចាស់រម៉ក ស្នាក់នៅ សង្កាត់បឹងទំពុន២ ខណ្ឌមានជ័យ ។
យោងតាមប្រភពព័ត៌មាន បានប្រាប់ឲ្យដឹងថាមុនកើតហេតុគឺកម្លាំងប៉ុស្តិ៍នគរបាលរដ្ធបាលបឹងទំពុនទី២ បានល្បាតក្នុងមូលដ្ឋាន មកដល់ចំនុចកើតហេតុ ក៏ឃើញជនសង្ស័យ ឈ្មោះខែម សុខន ដើរចេញពីផ្ទះកើតមក ដោយមានការសង្ស័យ ក៏ឃាត់ខ្លួនសួរនាំ នឹង ឆែកឆេរខ្លួនរកឃើញលុយខ្មែរមួយចំនួន ទូរស័ព្ទដៃ២គ្រឿង នឹង នាឡិកាដៃ២គ្រឿង ពេលសួរដេញដោល ធ្វើឲ្យជនសង្ស័យភ័យស្លន់ស្លោរ ទើបដឹងថាជាចោរ ហើយបានសារភាពប្រាប់ថា រូបគេលួចយកចេញពីផ្ទះកើតហេតុខាងលើនោះ ទើបភ្ញាក់ផ្អើលដល់ដល់សមត្ថកិច្ច គោះទ្វារហៅរកម្ចាស់ផ្ទះ ក៏មានស្ត្រីម្នាក់ចេញពីផ្ទះ នៅជិតកន្លែងកើតហេតុមកអះអាងថាជាផ្ទះរបស់ខ្លួនដោយគាត់ចាក់សោរទុកចោល ទៅគេងផ្ទះបងប្អូនក្បែរគ្នា នឹង បានចូលទៅមើលក្នុងផ្ទះ ទើបភ្ញាក់ផ្អើលស្រែកឆោឡោ ឲ្យសមត្ថកិច្ចជួយព្រោះតែផ្ទះរបស់គាត់ត្រូវបានក្រុមចោរ គាស់សោរផ្ទះចូល រើឥវ៉ាន់រាយប៉ាយពេញក្នុងផ្ទះ លួចទ្រព្យសម្បត្តិអស់ហើយ តាំងពីទូរទស្សន៍ ម៉ាញ៉េ ធុងបាស កង្ហារ លុយ មាសរួមទាំងផ្លាកទីន មួយចំនួនទៀតបាត់អស់ពីផ្ទះគ្មានសល់ ។
ភ្លាមៗសមត្ថកិច្ចក៏ឃាត់ខ្លួនជនសង្ស័យខាងលើភ្លាមៗ យកទៅសួរនាំ ទើបដឹងថាមានបក្ខពួកម្នាក់ទៀត ឈ្មោះ សួ ចំណាន ដែលបានអូសរទេះ អេតចាយយកទ្រព្យសម្បត្តិជនរងគ្រោះគេចខ្លួន ហើយសមត្ថកិច្ចក៏បាន សហការគ្នាជាមួយ កម្លាំងល្បាតប៉ុស្តិ៍នគរបាលទំនប់ ល្បាតរួមគ្នាមកដល់ ចំនុចផ្លូវ៤៣២ ជិតនឹងអគារខុនដូរមួយកន្លែងស្ថិតនៅក្នុងសង្កាត់ទំនប់ទឹក ខណ្ឌបឹងកេងកង ក៏ប្រទះឃើញ ជនសង្ស័យកំពុងអូសរទេះអេតចាយ ក៏ឃាត់ខ្លួនសួរនាំ នឹង ឆែកឆេររកឃើញមាន ធុងបាស់ ម៉ាញ៉េ ទូរទស្សន៍ កង្ហារ សួរនាំទើបជនសង្ស័យសារភាពថាខ្លួនពិតជាបក្ខពួកនឹងគ្នាពិតប្រាកដមែន នឹង បានឃាត់ខ្លួនយកទៅកាន់ប៉ុស្តិ៍នគរបាលទួលទំពូង២ សួរនាំបន្តតែម្តង ។
ប្រភពព័ត៌មានពីស្ត្រីរងគ្រោះ បានប្រាប់ឲ្យដឹងថា មុនកើតហេតុ គឺគាត់ទើបនឹង ត្រឡប់មកពីលេងនៅខេត្តសៀមរាបវិញ ហើយយប់កើតហេតុនោះ គាត់មិនបានសម្រាកនៅផ្ទះគាត់ទេ ដោយបានចាក់សោរផ្ទះ ទៅសម្រាកនៅផ្ទះបងប្អូនក្បែរនោះ ពេលមានការភ្ញាក់ផ្អើលនៅមុខផ្ទះ ទើបគាត់ចេញមក មកមើលផ្ទះគាត់ឃើញចំហរទ្វារ ទើបដឹងថាមានចោរលួចគាស់ទ្វារផ្ទះចូលលួចទ្រព្យសម្បត្តិ ។
ក្រោយកើតហេតុទ្រព្យសម្បត្តិដែលជនសង្ស័យ ប្រមូលយកទៅនោះ ត្រូវបានប្រគល់ទៅជនរងគ្រោះវិញ នឹង សល់ការបូបដាក់គ្រឿង អលង្ការ មាន មាស នឹង ផ្លាកទីន( មិនបញ្ជាក់ចំនួន) ជារបស់បងប្អូនផ្ញើរ រកមិនទាន់ ។ នៅចំពោះមុខសមត្ថកិច្ចជនសង្ស័យទាំងពីរ បានសារភាពថា ខ្លួនពិតជាបានធ្វើសកម្មភាពគាស់ សោរផ្ទះលួចទ្រព្យសម្បត្តិស្ត្រីរងគ្រោះពិតមែន ។
បច្ចុប្បន្ន ជនសង្ស័យត្រូវបានកសាងសំណុំរឿងបញ្ជូនបន្តទៅកាន់អធិការដ្ធាននគរបាលខណ្ឌចំការមនចាត់ការបន្ត ៕ សុខាសែនជ័យ
