សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងល្បាតមូលដ្ឋានអាវុធហត្ថខណ្ឌដូនពេញ បានឃាត់ខ្លួន ជនសង្ស័យ ០២នាក់ ដែលបានធ្វើសកម្មភាពឆក់ សម្ភារ មានតម្លៃពីប្រជាពលរដ្ឋដែលធ្វើដំណើរលើដងផ្លូវ ។ ការឃាត់ខ្លួននេះ ធ្វើឡើងកាលពីម៉ោង៣ និង៣០នាទីរសៀល ថ្ងៃទី០៣ ខែកុម្ភ: ឆ្នាំ២០២០ ។
មន្រ្តីអាវុធហត្ថបានឲ្យដឹងថា ជនសង្ស័យទី១ ឈ្មោះ ចយ យក្ស ហៅយក្ស អាយុ ១៧ឆ្នាំ មុខរបរប៉ូលាឡាន ស្នាក់នៅផ្ទះលេខ១៣ ផ្លូវជាតិលេខ៥ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។ ២/ ឈ្មោះ ចាន់ រ៉ាវុធ អាយុ ២១ឆ្នាំ មុខរបរមិនពិតប្រាកដ ស្នាក់នៅផ្ទះលេខ៥ ផ្លូវលេខ១៣៣ ភូមិផ្សារតូច សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ។
បន្ទាប់ពីឃាត់ខ្លួនបាន ជនសង្ស័យទាំង ០២នាក់ បានសារភាពថា ពិតជាបានធ្វើសកម្មភាពឆក់ កាបូបស្ពាយ ពីស្រី្តជាជនជាតិចិន ដែលកំពុងធ្វើដំណើរលើដងផ្លូវពិតប្រាកដមែន ទើបកម្លាំងមូលដ្ឋានអាវុធហត្ថខណ្ឌដូនពេញ បានប្រមូលវត្ថុតាង និងជនសង្ស័យទាំង ០២នាក់ ទៅទីបញ្ជាការកងរាជអាវុធហត្ថរាជធានីភ្នំពេញ ដើម្បីសាកសួរបន្ត និងកសាងសំណុំរឿងបញ្ជូនទៅតុលាការ ផ្តន្ទាទោសតាមច្បាប់ ៕ ជ្រោយពេជ្រ
