សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ភ្លើងឆេះស្មៅក្នុងដីឡូត៍មួយកន្លែងយ៉ាងសន្ធោសន្ធៅបង្កឲ្យមានការភ្ញាក់ផ្អើលដល់សមត្ថកិច្ចមូលដ្ឋាននឹងរថយន្តពន្លត់អគ្គិភ័យជួយបាញ់ទឹកពន្លត់តែមិនដឹងពីមូលហេតុ។ ហេតុការណ៍នេះ បានកើតឡើងកាលពីវេលាម៉ោង០២និង១០នាទីរសៀល ថ្ងៃទី១៣ ខែកុម្ភៈ ឆ្នាំ២០២០ ស្ថិតក្នុងភូមិបន្លាស្អិត សង្កាត់ឃ្ញួញ ខណ្ឌសែនសុខ រាជធានីភ្នំពេញ ។
សមត្ថកិច្ចមូលដ្ឋានបានឲ្យដឹងថា ករណីភ្លើងឆេះស្មៅនៅក្នុងដីឡូត៍នេះ គឺមិនដឹងពីមូលហេតុនោះទេ ។ ដោយសារប្រជាពលរដ្ឋបានរាយការណ៍ថា មានករណីនេះ សមត្ថកិច្ចបានបញ្ចេញរថយន្តពន្លត់អគ្គិភ័យជាច្រើនគ្រឿង បាញ់ទឹកពន្លត់ហើយមិនរាលដាលដល់ផ្ទះពលរដ្ឋនៅជិតខាងនោះទេ ។
សមត្ថកិច្ចក៏ដូចជាអាជ្ញាធរខណ្ឌសែនសុខ សូមអំពាវនាវដល់បងប្អូនប្រជាពលរដ្ឋ ទាំងអស់សូមប្រុងប្រយ័ត្ននៅគ្រោះអគ្គិភ័យនេះ កុំបោះចោលកន្ទុយបារីផ្តេសផ្តាស ហើយពេលចេញដំណើរទៅធ្វើការ ឬទៅប្រកបរបររកទទួលទាន សូមបិទឌីសសង់ទ័រ និងទៀន ធូប ឲ្យបានត្រឹមត្រូវផង ជៀសវាងមានគ្រោះអគ្គិភ័យកើតឡើង៕ ចន្ទ លីហ្សា
