ទើបតែអាយុ១៤ឆ្នាំ ចេះបែកគំនិតលួចរថយន្ដត្រូវជាប់អន្ទាក់របស់សមត្ថកិច្ច

ខេត្តឧត្ដរមានជ័យ៖ ក្មេងប្រុសអាយុ១៤ឆ្នាំចេះរកស៊ីរបរធ្វើចោរលួចរថយន្ដ ត្រូវបានសមត្ថកិច្ចក្របួចជាប់ ។

សមត្ថកិច្ចបានអោយដឹងថា៖ នៅថ្ងៃទី១៥ ខែកុម្ភៈ ឆ្នាំ២០២០ វេលាម៉ោង១៧- ០០ នាទី កម្លាំងអធិការដ្ឋាននគរបាលស្រុកអន្លង់វែង បានស្រាវជ្រាវឃាត់ខ្លួនជនសង្ស័យម្នាក់នៅចំណុចភូមិចារចាស់ ឃុំស្លែងស្ពាន ស្រុកស្រីស្នំ ខេត្តសៀមរាប ឈ្មោះ ផ្លែង រ៉ាវី ភេទប្រុស អាយុ១៤ ឆ្នាំ ទីលំនៅមិនពិតប្រាកដ ដែលបានធ្វើសកម្មភាពលួចរថយន្ត ១ គ្រឿ ម៉ាក Toyota Camry ពណ៍ទឹកប្រាក់ ស៊េរីឆ្នាំ ២០០២ ចំណុចសាលាឃុំអន្លង់វែង ស្ថិតក្នុងភូមិអូរជញ្ជៀន ឃុំអន្លង់វែង ស្រុកអន្លង់វែងខេត្តឧត្ដរមានជ័យ កាលពីថ្ងៃទី១៤ ខែកុម្ភៈ ឆ្នាំ២០២០ កន្លងទៅថ្មីៗនេះ រួចបើកគេចខ្លួន លុះដល់ថ្ងៃទី១៥ ខែកុម្ភៈ ឆ្នាំ២០២០ ទើបរករថយន្តឃើញ នៅចំណុចស្ពានទំនប់អាតោ ស្រុកចុងកាល់ ។

ម្ចាស់រថយន្ដឈ្មោះ សួន ស៊ីផាន ភេទប្រុស អាយុ៥១ ឆ្នាំ រស់នៅភូមិអូរជញ្ជៀន ឃុំអន្លង់វែង ស្រុកអន្លង់វែង ។

បច្ចុប្បន្ន កំពុងសាកសួរ និងកសាងសំណុំរឿងតាមនីតិវិធី ៕ ប៉ែន នួន