សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ ក្មួយប្រុសសាច់ថ្លៃម្នាក់បានយកពូថៅកាប់ចំក្បាលពូចំនួន៣ពូថៅ បណ្តាលឱ្យរងរបួសធ្ងន់រួចគេចខ្លួនបាត់ដោយសារទំនាស់ពាក្យសម្តីហើយជនរងគ្រោះត្រូវក្រុមគ្រួសារដឹកយកទៅសង្រ្គោះនៅមន្ទីរពេទ្យភ្លាមៗ។
ហេតុការណ៍នេះកើតឡើងនៅនៅវេលាម៉ោង១០នឹង៥០នាទីយប់ ថ្ងៃទី០៦ ខែសីហា ឆ្នាំ២០២០ នៅចំណុចផ្ទះរបស់ឈ្មោះ វើយ ស្ថិតក្នុងភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន។
មន្ត្រីនគរបាលប៉ុស្តិ៍ ប៉ៃលិនបានឲ្យដឹងថាជនរងគ្រោះឈ្មោះ ពក ពឿន ភេទប្រុស អាយុ៦៥ឆ្នាំ មុខរបរកម្មករ ទីលំនៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន របួសធ្ងន់ផុងលលាដ៏ក្បាល។ រីឯជនបង្កឈ្មោះ ពៅ ភេទប្រុស អាយុប្រហែល៣៥ឆ្នាំ ត្រូវជាក្មួយសាច់ថ្លៃ របស់ជនរងគ្រោះ ទីលំនៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន។ករណីនេះកើតឡើងពីទំនាស់ពាក្យសម្តីគ្នារហូតពូជេរប្រមាថលើក្មួយធ្វើឲ្យក្មួយប្រុសសាច់ថ្លៃទ្រាំលែងបានទាញពូថៅកាប់ក្បាលពូចំនួន៣ពូថៅរបួសធ្ងន់រួចបោះពូថៅចោលគេចខ្លួនបាត់។
បច្ចុប្បន្នជនរងគ្រោះត្រូវបានបញ្ជូនមកសង្គ្រោះបន្ទាន់នៅមន្ទីរពេទ្យបង្អែកខេត្តប៉ៃលិន តែដោយរបួសធ្ងន់ពេកក្រុមគ្រួសារបានបញ្ជូនបន្តទៅសង្គ្រោះបន្ទាន់នៅខេត្តបាត់ដំបង។ ចំណែកជនសង្ស័យកំពុងត្រូវបានកម្លាំងជំនាញតាមដានស្រាវជ្រាវ ចាប់ ខ្លួនមកផ្តន្ទាទោសតាមច្បាប់៕ដោយ៖ ប្រាថ្នា
