សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តដឹកដីធុនធំមួយគ្រឿងបើកបរក្នុងល្បឿនលឿន និងមិនប្រយ័ត្នចាប់ហ្រ្វ័ងមិនទាន់ក៏ជ្រុលទៅបុករថយន្តចំនួន៣គ្រឿងផ្សេងទៀតបណ្តាលឲ្យរងការខូចខាត កាលពីវេលាម៉ោង ០៥និង០០នាទីល្ងាច ថ្ងៃសុក្រ ទី២៨ ខែឧសភា ឆ្នាំ ២០២១ ស្ថិតនៅតាមបណ្តោយផ្លូវជាតិលេខ៣ ភូមិ ដើមស្លែង សង្កាត់ពងទឹក ខណ្ឌដង្កោ រាជធានីភ្នំពេញ ។
បេីតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តដឹកដីធុនធំមួយគ្រឿងពាក់ស្លាកលេខភ្នំពេញ3E-0256បើកបរដោយបុរសម្នាក់ធ្វេីដំណេីរតាមបណ្តោយផ្លូវជាតិលេខ៣ ទិសដៅពីត្បូងទៅជើង ក្នុងល្បឿនលឿនជាន់ហ្រ្វ័ងមិនទាន់ក៏ជ្រុលចង្កូតទៅបុកពីក្រោយរថយន្តបីគ្រឿងបន្តកន្ទុយគ្នាមាន(រថយន្តTundra ពណ៌សមួយគ្រឿងពាក់ស្លាកលេខភ្នំពេញ 2BC-9427 ,រថយន្តLuxus RX-300ពណ៌សមួយគ្រឿងពាក់ស្លាកលេខភ្នំពេញ 2AT-8695 និងរថយន្តព្រូសមិនចាំស្លាកលេខមួយគ្រឿងទៀត) បណ្តាលឲ្យរងការខូចខាត តែគ្មានអ្នករបួសឡេីយ ។
ក្នុងហេតុការណ៍គ្រោះថ្នាក់ចរាចរណ៍នោះ មានរថយន្ត Tundra រងការខូចខាតខ្លាំងជាងគេ ដោយឡែករថយន្ត LEXUS RX300 និងរថយន្តព្រូស រងការខូចខាតតិចតួច ខណៈម្ចាស់រថយន្តព្រូសក៏ខ្ចិលរញ៉េរញៃក៏បើកចេញពីកន្លែងកើតហេតុបាត់ទៅ។
ក្រោយពេលកើតហេតុ សមត្ថកិច្ចមូលដ្ឋានផ្នែកជំនាញចរាចរណ៍បានចុះមកដល់ទីតាំងកើតហេតុហេីយឲ្យភាគីទាំង៣និយាយចរចាគ្នាតែមិនត្រូវគ្នា ទេីបសមត្ថកិច្ចធ្វើការវាស់វែងយករថយន្តទាំង៣គ្រឿងទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញដើម្បីរង់ចាំដោះស្រាយនៅពេលក្រោយ ៕
ដោយ ៖ ភារ៉ា ដង្កោ
