សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ត្រូវបានបងប្អូនប្រជាពលរដ្ឋនាំគ្នាគាស់យកចេញដេីម្បីជួយសង្គ្រោះបន្ទាប់ពីបេីករថយន្តបែនដឹកដី ហើយពេលចាក់ដីរួចត្រូវទម្លាក់បែននោះវិញតែបែននោះមិនធ្លាក់ក៏ចុះទៅគោះបូមបែនហើយភ្លាមនោះស្រាប់តែធ្លាក់ទ្រុងបែនរថយន្តមកសង្កត់គាបជាប់ស្លាប់ភ្លាមយ៉ាងអាណោចអាធ័ម។
ហេតុការណ៍នេះបានកេីតឡេីងកាលពីវេលាម៉ោង១២និង១០នាទីរសៀល ថ្ងៃទី៣ ខែសីហា ឆ្នាំ២០២១ នៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះឈ្មោះប៉ុន កុល ភេទប្រុស អាយុ៤២ឆ្នាំ មុខរបរបេីករថយន្តដឹកដី ស្នាក់នៅសង្កាត់ស្ទឹងមានជ័យទី១ ខណ្ឌមានជ័យ មានស្រុកកំណេីតនៅភូមិកំពង់អុស សង្កាត់ផ្សារឆ្នាំង ក្រុងកំពង់ឆ្នាំង។
តាមប្រភពព័ត៌មានបានឱ្យដឹងថា មុនពេលកេីតហេតុបុរសខាងលេីត្រូវបានគេជួលឱ្យដឹកដីយកទៅចាក់លុបក្បែរផ្ទះដែលមានទឹកដក់ ខណៈដឹកជេីងទីពីរពេលចាក់ដីរួចក៏ចុចកុងតាក់ទម្លាក់បែនវិញ តែមិនធ្លាក់ក៏ចុះយកដែកមកគោះបូមបែន ភ្លាមនោះស្រាប់តែធ្លាក់ទ្រុងមកសង្កត់គាបជាប់ស្លាប់តែម្តង។
ប្រភពដដែលបានបន្តថា ភ្លាមនោះបងប្អូនប្រជាពលរដ្ឋដែលនៅក្បែរឃេីញក៏នាំគ្នាយកដូយមកជួយគាស់ដេីម្បីយកមនុស្សចេញ ដោយប្រេីអស់រយៈពេលជាងកន្លះម៉ោងទេីបគាស់យកជនរងគ្រោះចេញបាន តែជាអកុសលជនរងគ្រោះបានស្លាប់បាត់ទៅហេីយ។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ ហើយដោយការគ្រោះថ្នាក់នេះជាការឆ្វេសប្រហែសខ្លួនឯងមិនប៉ះពាល់ដល់អ្នកដទៃទេីបប្រគល់សពទៅឱ្យក្រុមគ្រួសារយកទៅធ្វេីបុណ្យតាមប្រពៃណីនៅឯស្រុកកំណេីត៕
ដោយ៖ សុខាសែនជ័យ
