សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ខណ:ស្រវឹងស្រាជោគ មានជម្លោះជាមួយម្ដាយបង្កើតខឹងចិត្តចង.ក សម្លាប់ខ្លួនបង្កការភ្ញាក់ផ្អើលដល់ក្រុមគ្រួសារនិងសមត្ថកិច្ច។
ហេតុការណ៍នេះបានកើត ឡើងកាលពីវេលាម៉ោង៤និង១៨នាទី រសៀលថ្ងៃទី០៣ខែសីហាឆ្នាំ២០២១ ស្ថិតនៅភូមិថ្នល់កែង សង្កាត់បាទី ក្រុងបាវិតខេត្តស្វាយរៀង។
នគរបាលក្រុងបានឲ្យដឹងថា បុរសខាងលើមានឈ្មោះ ម៉ា សាំ អាយុ៣៧ឆ្នាំជនជាតិខ្មែរស់ក្នុងភូមិថ្នល់កែង សង្កាត់បាទី ក្រុងបាវិតខេត្តស្វាយរៀង។
តាមអ្នកភូមិបានអោយដឹងថាមុនកើតហេតុគេឃើញបុរសខាងលើបានផឹកស្រាស្រវឹងហើយក៏មានជម្លោះជាមួយម្ដាយបង្កើតឈ្មោះសួន រ៉ន យ៉ាងខ្លាំងបន្ទាប់មក រួចក៏ដើរចូលក្នុងផ្ទះបិទទ្វារជិត។
ក្រោយមកប្រមាណកន្លះម៉ោងស្រាប់តែមានការភ្ញាក់ផ្អើលថាបានចង.ក សម្លាប់ខ្លួនស្លាប់បាត់ទៅហើយ។បន្ទាប់ពីកើតហេតុភ្លាមៗសមត្ថកិច្ចនគរបាលក្រុងសហការជាមួយនគរបាលប៉ុស្តិ៍រដ្ឋបាលនិងគ្រូពេទ្យបានចុះមកពិនិត្យ ដោយសន្និដ្ឋានថា ពិតជាស្លាប់ដោយសារចងកពិតប្រាកដមែន ដោយមិនមានស្លាកស្នាមអ្វីដែលសំគាល់ថាជារឿងឃាតកម្មនោះទេ ទើបបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណ៕
ដោយ៖យឹម សុថាន
