សារព័ត៌មាន នគរវត្ត តែងតែនាំមុខគេជានិច្ច
ក្រុមអធិរាជស Real Madrid បានទទួលជ័យជម្នះយ៉ាងត្រដាបត្រដួសនៅលើទឹកដីក្រុម Real Betis ខណៈដែលពួកគេរង់ចាំលទ្ធផលនៃការប្រឹងប្រែងក្នុងការចុះហត្ថលេខានាំយកខ្សែប្រយុទ្ធ Kylian Mbappe របស់ក្រុម Paris St-Germain ។
ក្រុម Real Madrid បានរកឃើញជ័យជម្នះនៅពេលដែលខ្សែការពារស្ដាំ Dani Carvajal ស៊ុតបញ្ចូលទីពីការបញ្ជូនបាល់របស់ Karim Benzemaនៅនាទីទី៦១។ ជាមួយគ្នានោះ Benzema បានខ្ជះខ្ជាយឱកាសដ៏ល្អមួយនៅពេលដែលគាត់បានព្យាយាមស៊ុតបញ្ចូលទី តែមិនបានសម្រេច ។
ក្រុម Real Madrid កំពុងឈរកំពូលតារាង La Liga បន្ទាប់ពីការប្រកួត៣លើកដោយមាន៧ពិន្ទុស្មើពិន្ទុគ្នាជាមួយក្រុម Sevilla, Valencia និង Mallorca ។
ក្លិប Real Madrid បានបាត់បង់ប្រាក់ចំណូលចំនួន៣០០លានអឺរ៉ូដោយសារតែ Covid-19 ហើយបានចុះហត្ថលេខាជាមួយខ្សែការពារ David Alaba ក្នុងការផ្ទេរពី Bayern Munich នៅរដូវក្តៅនេះ។
ទោះយ៉ាងណា Real Madrid ចង់ពង្រឹងជម្រើសប្រយុទ្ធរបស់ពួកគេដោយចុះហត្ថលេខាជាមួយ Mbappe ដែលជាអ្នកជួយឲ្យក្រុមឈ្នះពានរង្វាន់ World Cup របស់បារាំងវ័យ២២ឆ្នាំមុនថ្ងៃកំណត់នៃការផ្ទេរនៅសប្តាហ៍ក្រោយ។
នាយកផ្នែកកីឡារបស់ក្លិប PSG លោក Leonardo បាននិយាយថា ក្លិបនឹងមិនរារាំង Mbappe ទេ ប៉ុន្តែបានចាត់ទុកថា ការដេញថ្លៃ១៣៧លានផោនរបស់ Real Madrid គឺមិនគ្រប់គ្រាន់ ៕
ដោយ៖ ភារៈ(រូបភាព ៖ MARCA)
