សារព័ត៌មាន នគរវត្ត តែងតែនាំមុខគេជានិច្ច
ខេត្តកែប៖ នៅរសៀលថ្ងៃទី៦ ខែកញ្ញា ឆ្នាំ២០២១ នេះ លោក សោម ពិសិដ្ឋ អភិបាល នៃគណៈអភិបាលខេត្តកែប បានអញ្ជើញចុះពិនិត្យការរដ្ឋានសាងសង់ស្ថានីយ៍ថ្លឹងរថយន្តអចល័តដំណាក់ចង្អេីរ ផ្លូវជាតិលេខ៣៣ ត្រង់គ.ម លេខ២១ ដល់៥៨៥ ស្ថិតនៅ ភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប។ ក្នុងពិធីចុះពិនិត្យការដ្ឋាននាឱកាសនោះ លោកសោម ពិសិដ្ឋ អភិបាលខេត្តកែប មានប្រសាសន៍ថា ការសាសង់ស្ថានីយ៍ថ្លឹងរថយន្តនេះ គឺដើម្បីថែរក្សាផ្លូវជាតិលេខ ៣៣ អោយបានយូរអង្វែង ព្រោះផ្លូវជាតិមួយខ្សែនេះ និងកសាងឡើងវិញនៅចុងឆ្នាំ២០២១នេះ ជាការចំបាច់គឺត្រូវមានកន្លែងសម្រាប់ពិនិត្យនៅទម្ងន់រថយន្តដែលផ្ទុកលើសចំណុះ ដែលជាកត្តាធ្វើអោយផ្លូវជាតិ ប្រេះស្រាំ ក្រលុកធំៗ និងអាចបង្ករអោយមានគ្រោះថ្នាក់ដល់អ្នកបើកបរផ្សេងទៀតបាន ហេីយការបង្កើតឡេីងនៅស្ថានីយ៍ថ្លឹងរថយន្តនេះ ក៏ជាការងាយស្រួលក្នុងការតម្រង់ទិសរថយន្តដឹកលើសទម្ងន់ដែលច្បាប់បានកំណត់។លោក បន្តថា ខេត្តកែបជាខេត្តមួយដែលមានផ្លូវជាតិតភ្ជាប់ពីខេត្តផ្សេងៗគឺ កោះកុង ព្រះសីហនុ តាកែវ កំពត ដែលជាផ្លូវដឹកជញ្ជូនដ៏មានសារ:សំខាន់បំផុត ក្នុងការដឹកជញ្ជូនទំនិញនឹងដោះដូរទំនិញទៅកាន់បណ្ដាច្រកទ្វាអន្តរជាតិ(ព្រែកចាក ខេត្តកំពត)-ច្រកទ្វាអន្តរជាតិចាំយាម ខេត្តកុងកោះ និងកំពង់ផែអន្តរជាតិទឹកជ្រៅ ខេត្តព្រះសីហនុ ដ៏សំខាន់ផងដែរ។
លោក អភិបាលខេត្ត ក៏បានបញ្ជាក់ថា ស្ថានីយ៍ថ្លឹងរថយន្តនេះ ជាសមិទ្ធិផលថ្មីមួយបន្ថែមទៀតរបស់ខេត្តកែប បន្ទាប់ផែទេសចរណ៍កោះទន្សាយ ដែលដាក់អោយប្រើប្រាស់ជាបណ្តោះអាសន្ននៅចុងឆ្នាំ២០២១ និងកំពង់ផែសេះសរ ដែលគ្រោងសាងសង់រួចរាលជាស្ថាពរយ៉ាងយូរឆ្នាំ២០២៣ ហើយនិងមានការបើកការដ្ឋានសាងសង់កំពង់ផែទេសចរណ៍នៅលើកោះទន្សាយមួយទៀតក្នុងពេលឆាប់ៗខាងមុខនេះ លោកសង្ឃឹមថា សមិទ្ធិផលទាំងអស់នេះ និងអាចប្រមូលនៅថវិកាចូលជាតិ និងបំរើផលប្រយោជន៍ដល់ប្រជាជនក្នុងខេត្តកែប អោយមានជីវភាពធូរធារមួយកម្រិតថែមទៀត។ លោក ក៏សូមអំពាវនាវដល់បងប្អូនប្រជាពលរដ្ឋទាំងអស់ សូមចូលរួមទទួលការចាក់វ៉ាក់សាំងបង្ការជំងឺកូវីដ-១៩ អោយបានគ្រប់ៗគ្នា និងត្រូវចូលរួមអនុវត្តវិធានការនានារបស់ក្រសួងសុខាភិបាល ជាពិសេសវិធានការ ៣ការពារ ៣កុំ របស់រាជរដ្ឋាភិបាល អោយបានជាប់ជាប្រចាំ៕
ដោយ៖ សិលា
