សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមរបាយការណ៍របស់សមត្ថកិច្ចនគរបាលប៉ុស្តិ៍ទឹកថ្លាកាលពី ថ្ងៃទី១១ ខែកញ្ញា ឆ្នាំ២០២១ បានបង្ក្រាបនិងឃាត់ខ្លួនជនសង្ស័យម្នាក់ ករណីជួញដូរដោយខុសច្បាប់នូវសារធាតុញៀន នៅចំណុចផ្លូវលើស្ពានឈើ ភូមិបូរីកម្មករ សង្កាត់ ទឹកថ្លា ខណ្ឌសែនសុខ ។
សមត្ថកិច្ចបញ្ជាក់ថាជនសង្ស័យមានឈ្មោះ ហង្ស រស្មី ភេទប្រុស អាយុ២១ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ ។ ដកហូតក្រាមសថ្លា ១៣ កញ្ចប់តូច ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីច្បាប់៕
ដោយ៖ ចន្ទ លីហ្សា
