សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមផេក ( Cambodia SEA GAMES 2023) និងប្រភពរូបភាពពី សហព័ន្ធកីឡាបាល់ទាត់កម្ពុជា លើពាក្យស្លោកថា, #យើងនាំគ្នាឆ្ពោះទៅស៊ីហ្គេម_អាស៊ានប៉ារ៉ាហ្គេម_ឆ្នាំ២០២៣_ទាំងអស់គ្នា #កីឡារស់ក្នុងសន្ដិភាព_SPORTS_LIVE_IN_PEACE បានបញ្ជាក់អោយដឹងថា, នេះជា សកម្មភាពខ្លះៗ នៃការប្រកួតជម្រុះ AFC Asian Cup China 2023 Qualifiers (Playoff) កាលពីយប់មិញ ដែលក្រុមជម្រើសជាតិកម្ពុជា បានយកឈ្នះកោះហ្គាំ ក្នុងលទ្ធផល ១-០ មុនជំនួបកាត់សេចក្ដីជើងទី២ នារាត្រីថ្ងៃទី១២ ខែតុលា នៅកីឡដ្ឋាន Khalifa Sport City ប្រទេសបារ៉ែន។
គួរជម្រាបអោយដឹងថា, សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នឹងឧបត្ថម្ភប្រាក់លើកទឹកចិត្តចំនួន ១០ម៉ឺនដុល្លារ ដល់ក្រុមជម្រើសជាតិកម្ពុជា ប្រសិនបើអាចឡើងវគ្គបន្ដ ។
រីឯនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានប្រកាសឧបត្ថម្ភ ៥,០០០ដុល្លារ សម្រាប់ការស៊ុតបញ្ចូលទី ១គ្រាប់ ក្នុងជំនួបវគ្គជម្រុះដណ្ដើមកៅអីវគ្គចែកពូលជុំទី៣ ជាមួយកោះហ្គាំនេះ៕
ដោយ ៖ សិលា
