សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ នៅព្រឹកថ្ងៃអង្គារ ៣កើត ខែមិគសិរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹង ថ្ងៃទី០៧ ខែធ្នូ ឆ្នាំ២០២១ លោក ឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ អញ្ជើញត្រួតពិនិត្យមើលសកម្មភាពជាងកំពុងសាងសង់អគារសាលប្រជុំថ្មី ដែលមានទំហំទទឹង១៦ម៉ែត្រ បណ្ដោយ១៧.៣០ម៉ែត្រ កំពស់ពីរជាន់ជាអគារធ្វើការ និងសាលប្រជុំខ្នាតតូចរបស់ស្នងការដ្ឋាននគរបាលខេត្តតាកែវ ។
បន្ទាប់ពីពិនិត្យអគាររួច លោក ឧត្ដមសេនីយ៍ទោ ស្នងការ បានអញ្ជើញពិនិត្យរបបអាហារប្រចាំថ្ងៃ របស់កងកម្លាំងអន្តរាគមន៍ នៃស្នងការដ្ឋាននគរបាលខេត្តតាកែវ។
សូមបញ្ជាក់ថា, លោកស្នងការ តែងតែ អោយបង្កើតតារាងវេនប្រចាំបញ្ជា និងលេខទូរស័ព្ទសម្រាប់ទទួលព័ត៌មានទាន់ហេតុការណ៍ (២៤ម៉ោងលេី២៤ម៉ោង) ពីប្រជាពលរដ្ឋដែលមានបញ្ហាផ្សេងៗមកស្នងការដ្ឋាននគរបាលខេត្តតាកែវ និងនៅតាមបណ្ដាអធិការដ្ឋាននគរបាលក្រុង/ស្រុក ប្រចាំថ្ងៃអង្គារ ៣កើត ខែមិគសិរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី០៧ ខែធ្នូ ឆ្នាំ២០២១នេះ ជាដើម។
កម្លាំងប្រចាំការ តែងល្បាតពេលយប់ប្រចាំថ្ងៃ ដូចជា : នៅស្នងការដ្ឋាននគរបាលខេត្តតាកែវ និងនៅតាមបណ្តាអធិការដ្ឋានគ្រប់ស្រុក ក្រុង ព្រមទាំងបញ្ជាការដ្ឋានវរសេនាតូចការពារព្រំដែនគោកលេខ៦០៣ ត្រៀមសម្រាប់អន្តរាគមន៍ បង្ក្រាប និងសង្គ្រោះ ក៏ដូចជាដើម្បីការពារសន្តិសុខ សុវត្ថិភាពជូនប្រជាពលរដ្ឋ៕
ដោយ៖ ចន្ទ លីហ្សា
