សារព័ត៌មាន នគរវត្ត តែងតែនាំមុខគេជានិច្ច
សហព័ន្ធបាល់ទាត់ប្រទេសវែលបានកោះហៅខ្សែបម្រើវ័យជំទង់ដែលលេងឲ្យក្លិប Birmingham City កីឡាករ Jordan James សម្រាប់ការប្រកួត Nations League របស់ពួកគេជាមួយបែលហ្ស៊ិក និងប៉ូឡូញនាថ្ងៃទី២២ និងថ្ងៃទី២៥ ខែកញ្ញានេះបន្ទាប់ពីកីឡាករ Joe Allen ដែលរងរបួស ។
Jordan James មានវ័យ១៨ឆ្នាំបានលេងឱ្យក្រុមអាយុក្រោម២០ឆ្នាំរបស់អង់គ្លេសហើយកាលពីសប្តាហ៍មុនត្រូវបានបញ្ចូលក្នុងក្រុម Wales អាយុក្រោម២១ឆ្នាំ។ លោក Robert Page គ្រូបង្វឹកជម្រើសជាតិវែលបានកោះហៅ James ទៅក្នុងក្រុមរបស់គាត់។ ខណៈដែលរបួសសរសៃពួរបានអវត្តមាន Joe Allen និងខ្សែការពារ Ben Davies បាក់ឆ្អឹងជើងបានបង្ខំឱ្យអវត្តមានរបស់គាត់។
Allen របស់ Swansea និង Davies របស់ Tottenham បានយករបួសពេលលេងជាមួយក្លិបរបស់ពួកគេ។ Davies វ័យ២៩ឆ្នាំត្រូវបានគេរំពឹងថានឹងអវត្តមានប្រហែល៣សប្តាហ៍បន្ទាប់ពីរងរបួសរបស់គាត់ក្នុងការប្រកួត Champions League របស់ Spurs ដោយចាញ់ Sporting Lisbon ។
ចំណែក Allen បានចូលលេងក្នុងការទទួលជ័យជម្នះ ៣-០ នៅក្របខ័ណ្ឌChampionship របស់ Swansea លើ Hull កាលពីថ្ងៃសៅរ៍កន្លងទៅ។ក្រុមវែលនឹងធ្វើដំណើរទៅប្រទេសបែលហ្សិកនៅថ្ងៃព្រហស្បតិ៍នេះមុនពេលទទួលភ្ញៀវប៉ូឡូញនៅ៣ថ្ងៃបន្ទាប់។
អ្នកចាត់ការ Spurs លោក Antonio Conte បាននិយាយថា Davies នឹងមិនមានសម្រាប់កាតព្វកិច្ចរបស់ Wales ទេ។ លោក Conte បន្តថា “គាត់មានរបួសជង្គង់របស់គាត់ក្នុងការប្រកួតជាមួយ Sporting Lisbon ហើយគាត់បានលេងជាមួយនឹងរបួសនេះ។ វាមិនមែនជារបួសធ្ងន់ធ្ងរទេ ខ្ញុំគិតថា គាត់នឹងត្រឡប់មកវិញបន្ទាប់ពីសម្រាកអន្តរជាតិ ព្រោះនៅជាមួយជម្រើសជាតិ គាត់មិនទំនេរ ប៉ុន្តែខ្ញុំគិតថាបន្ទាប់ពីសម្រាកអន្តរជាតិ គាត់នឹងមានសម្រាប់យើង” ។
ការអវត្តមានរបស់ Davies និងការបាត់បង់ Allen គឺជាបញ្ហាបន្ថែមទៀតដល់គ្រូបង្វឹកវែលលោក Robert Page ដែលគ្រោងនឹងមិនមានខ្សែប្រយុទ្ធ Gareth Bale ដើម្បីប្រឈមមុខជាមួយបែលហ្សិក។ វែលក៏គ្មានខ្សែបម្រើ Aaron Ramsey និង Harry Wilson ដែលរងរបួស រួមទាំងអ្នកចាំទី Adam Davies ផងដែរ ៕
ដោយ៖ ភារៈ(រូបភាព ៖ BBC Sport)
