សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ប៉ុន្មានថ្ងៃមុននេះ តារាចម្រៀង លោក ណុប បាយ៉ារិទ្ធ របស់ផលិតកម្មហង្សមាស បានដាក់ជាសំណួរទៅកាន់ប្រិយមិត្ត ថា, តើបទចំរៀងទី២របស់លោក បានច្រើនមុនចូលផលិតកម្មហង្សមាស មានចំណងជើងអ្វី ? ក្រោយមកនៅថ្ងៃទី៥ ខែធ្នូ ឆ្នាំ២០២២ តារាចម្រៀង លោក ណុប បាយ៉ារិទ្ធ បានប្រាប់លើផេកផ្ទាល់ខ្លួនថា, «គ្មានអ្នកជំនួសអូនបាន» បទចម្រៀងទី២របស់ខ្ញុំ មុនពេលឈានជើងចូលផលិតកម្មហង្សមាស ។
លោក ណុប បាយ៉ារិទ្ធ បានបញ្ជាក់ថា, និពន្ធទំនុកច្រៀងដោយបងស្រីជីដូនមួយរបស់ខ្ញុំឈ្មោះស៊ុំ សុជាតា ថតសម្លេងនិងបច្ចេកទេសសម្លេងដោយសុវណ្ណាstudio ។
លោក សូមអរគុណខ្លាំងណាស់សម្រាប់បងប្អូនដែលទាយត្រូវ និង ចងចាំអនុស្សាវរីយ៍ដំបូងៗនៃបទចម្រៀងរបស់ខ្ញុំបាទមុនក្លាយជាតារាចម្រៀងអាជីពដល់សព្វថ្ងៃ 🙏🏻😊❤️។ ហើយក៏អរគុណសម្រាប់បងប្អូនដែលទាយខុស ប៉ុន្តែក៏បង្ហាញថាបងប្អូនបានស្គាល់បទចម្រៀងរបស់ខ្ញុំជាច្រើនបទ ហើយក៏ជាហ្វែនដូចគ្នា 🙏🏻😊❤️
បទចម្រៀងទី២នេះ និង មានប្រហែលជាជាង១០បទទៀតត្រូវបានបងស្រីជីដូនមួយចំណាយលុយក្នុងការថតសម្លេងរបស់ខ្ញុំដោយសារគាត់មានបំណងចង់ចងក្រងបទចម្រៀងដែលខ្ញុំច្រៀងជាalbumចម្រៀងអនុស្សាវរីយ៍មួយទុកស្តាប់ ក្រោយមកខ្ញុំក៏បានបោះជំហ៊ានចូលមកក្នុងផលិតកម្មហង្សមាសតាមរយៈការជ្រើសរើសពីលោកពូហ្វៃសំអាងអោយថតសម្លេងចម្រៀងមួយបទជាបទទី១ក្នុងផលិតកម្មហង្សមាសគឺបទ«សុំចែកបេះដូង» សម្រាប់ដាក់បញ្ជូលទៅក្នុងកុនភាគរបស់ស្ថានីយន៍ទូរទស្សន៍រាជធានីភ្នំពេញប៉ុស្ត៍លេខ៣ ។ ក្រោយមកគាត់ក៏បាននិពន្ធបទជាបន្តរបន្តរបន្ទាប់សម្រាប់ខ្ញុំរហូតខ្ញុំក្លាយជាតារាចម្រៀងអាជីពកុងត្រារបស់ផលិតកម្ម ៕
ដោយ : សិលា
