សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងែទី០២ ខែឧសភា ឆ្នាំ២០២៣ វេលាម៉ោងប្រហែល១២ ថ្ងៃត្រង់កម្លាំងប៉ុស្តិ៍នគរបាលរដ្ឋបាលផ្សារ ដើមគ នៃអធិការដ្ឋាននគរបាលខណ្ឌទួលគោកបានឃាត់ខ្លួនជនសង្ស័យចំនួន០១នាក់ជាក់ស្ដែងពីបទលួច (គ្រឿងអលង្ការ) ប្រព្រឹត្តនៅចំណុចទីតាំងផ្ទះលេខ៤៤E0 ផ្លូវលេខ២១៩ ក្រុមទី៣៨ ភូមិ១៥ សង្កាត់ផ្សារដើមគ ខណ្ឌទួលគោក រាជធានីភ្នំពេញ ។
មន្ត្រីនគរបាលខណ្ឌទួលគោកបានឱ្យដឹងថា ជនសង្ស័យឈ្មោះ ឡូន សីហា ភេទប្រុស អាយុ២៣ឆ្នាំ ជនជាតិខ្មែរមុខរបរមិនពិតប្រាកដ មានទីលំនៅផ្ទះលេខ ៣០៧ ក្រុម២០ ភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង។
មន្ត្រីនគរបាលខណ្ឌទួលគោកបានឱ្យដឹងទៀតថា វត្ថុតាងចាប់យកមាន៖ -ម៉ូតូ១គ្រឿងម៉ាក Honda Scoopy I ពណ៌ខ្មៅ ពាក់ស្លាកលេខបាត់ដំបង 1AQ- 8565 មានលេខតួនិងម៉ាស៊ីន 5178715(ជាមធ្យោបាយរបស់ជនសង្ស័យ), ទូរស័ព្ទដៃ១គ្រឿងម៉ាក IPhone7Plus, ខ្សែដៃចំនួន០១ខ្សែ,បន្តោងខ្សែកចំនួន០១ និងខ្សែកចំនួន០១ខ្សែ (ចាប់យកពីជនសង្ស័យឈ្មោះឡូន សីហា) បានប្រគល់ជូនជនរងគ្រោះវិញតាមការស្នើសុំ។
ជនរងគ្រោះ ឈ្មោះ សេង អាន ភេទប្រុស អាយុ៦៩ឆ្នាំ ជនជាតិខ្មែរ នៅសង្កាត់ផ្សារដើមគ ខណ្ឌទួលគោក រាជធានីភ្នំពេញ។
បច្ចុប្បន្ន ជនសង្ស័យកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោកដើម្បីធ្វើការសាកសួរនិងចាត់ការបន្តតាមនីតិវិធី៕
ដោយ៖ សហការី
