សារព័ត៌មាន នគរវត្ត តែងតែនាំមុខគេជានិច្ច
មានការចាប់អារម្មណ៍មុននេះក្រោយពីតារាសម្ដែង និងចម្រៀងដ៏មានប្រជាប្រិយភាព Coco Lee បានទទួលមរណភាព។ មរណភាពក្នុងវ័យ៤៥ឆ្នាំនេះត្រូវបានគេដឹងថាដោយសារតែជំងឺបាក់ទឹកចិត្តធ្ងន់ធ្ងរ។
Coco Lee ត្រូវបានមហាជនទទួលស្គាល់ថាជាតារាសម្ដែងស្រីដ៏មានស្នាដៃ និងភាពប៉ិនប្រសព្វគ្រប់ទម្រង មិនថាការសម្ដែងបែបណាក៏អាចធ្វើបាន ពិសេសនាងក៏ជាតារាស្រីមួយរូបដែលគេកត់សម្គាល់ថាមានរូបសម្រស់ស្រស់ស្អាត សមនឹងកេរ្តិ៍ឈ្មោះល្បីល្បាញរបស់នាង។ មិនតែប៉ុណ្ណោះទេ កាលពីពេលថ្មីៗនេះ គេក៏ទទួលដំណឹងពីមរណៈភាពរបស់នាង ហើយបង្កឲ្យមានការភ្ញាក់ផ្អើលជាខ្លាំង ព្រោះថានាងបានស្លាប់ព្រោះតែការកើតជំងឺបាក់ទឹកចិត្ត និងសម្ពាធផ្លូវអារម្មណ៍។ តាមការអះអាងរបស់ក្រុមគ្រួសារ របស់តារាសម្ដែរងស្រីដ៏មានប្រជាប្រិយភាពរូបនេះ បានអះអាងថា នាងមានជំងឺនេះជាច្រើនឆ្នាំមកហើយ ហើយនាងក៏ទទួលការព្យាបាលខ្លះៗជាច្រើនដងផងដែរ ប៉ុន្តែលទ្ធផលបានត្រឹមតែមួយរយៈពេលតែប៉ុណ្ណោះ។ ហើយក្នុងនោះក៏មានបណ្ដាលអ្នកគាំទ្រតារស្រីរូបនេះជាច្រើន បានបញ្ចេញមតិជាហូរហែរក្រោយពីការទទួលដំណឹងដ៏សែនរន្ធន់មួយនេះ ដែលអ្នកខ្លះពោលថា ជំងឺនេះពិតជាសាហាវណាស់ ហេតុអ្វីidolខ្ញុំទទួលរងនូវជីវិតបែបនេះ ជាដើម។
សូមបញ្ជាក់ផងដែរថា តារាស្រីវ័យប្រមាណ៤៥ឆ្នាំរូបនេះ ក៏ជាម្ចាស់បទ Before I fail in love ដែលជាបទចម្រៀងមួយបទទទួលបានការគាំទ្រជាខ្លាំងពីសំណាក់អ្នកគាំទ្រ ទាំងក្នុង និងក្រៅប្រទេស៕
ដោយ៖ វឌ្ឍនា
