សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ផ្លូវគមនាគមន៍ នៅប្រទេសកម្ពុជា កសាងគ្រប់ទីកន្លែង តាមបណ្ដារាជធានីខេត្ត ដែលទាំងនេះកើតចេញពីកត្តាសន្តិភាព ! មានសន្តិភាព មានការអភិវឌ្ឍន៍។ ប្រជាពលរដ្ឋជនរួមជាតិ គាំទ្រយ៉ាងខ្លាំងចំពោះការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។ មិនត្រឹមតែមានការអភិវឌ្ឍន៍លើហេដ្ឋារចនាសម្ព័ន្ធគ្រប់វិស័យនៅក្នុងទូទាំងប្រទេសប៉ុណ្ណោះទេ។ ប្រជាពលរដ្ឋមានជីវភាពល្អប្រសើរជាងមុន ហើយសម្ដេចតេជោបានប្រឹងប្រែង ទំនាក់ទំនងវិនិយោគទុនបរទេស ដើម្បីស្រូបយកកម្លាំងពលកម្មដល់ពលរដ្ឋកម្ពុជាមានការងារធ្វើ ទទួលបានប្រាក់បៀវត្សដ៏សមរម្យ ដើម្បីជីវភាព ស្ថានភាពរស់នៅប្រចាំថ្ងៃ។
ឈ្វេងយល់ពីគម្រោងសាងសង់ផ្លូវជាតិលេខ៤៨៖
– ប្រវែងផ្លូវ៖ ១៤៨ គីឡូម៉ែត្រ
– ចំណុចចាប់ផ្ដើម៖ ចំណុចប្រសព្វជាមួយផ្លូវជាតិលេខ៤
– ចំណុចបញ្ចប់៖ ក្រុងខេមរភូមិន្ទ ខេត្តកោះកុង
– បើកការដ្ឋានសាងសង់៖ ០៣/មករា/២០២២
– បញ្ចប់ការសាងសង់៖ បញ្ចប់នៅខែមិថុនា ឆ្នាំ២០២៤
– រយៈពេលសាងសង់៖ ៣២ខែ
– ទំហំទឹកប្រាក់គម្រោង៖ ប្រមាណ ៦៥,១៤ លានដុល្លារអាមេរិក
– សាងសង់ដោយ៖ សាងសង់ដោយសម្ព័ន្ធក្រុមហ៊ុនកូរ៉េ ILSUNG & HANIL Joint Venture
– ត្រួតពិនិត្យដោយ៖ ត្រួតពិនិត្យបច្ចេកទេសដោយសម្ព័ន្ធក្រុមហ៊ុនទីប្រឹក្សាបច្ចេកទេស KCI & KECC Joint Venture
គម្រោងនេះ តភ្ជាប់ជាមួយផ្លូវជាតិលេខ១០ និងតភ្ជាប់ទៅខេត្តពោធិ៍សាត់ ខេត្តបាត់ដំបង និងខេត្តប៉ៃលិន មកកាន់តំបន់ឆ្នេរកម្ពុជា ដែលភ្ជាប់ប្រទេសកម្ពុជាទៅប្រទេសថៃត្រូវបានចាត់ទុកជាសរសៃឈាមសេដ្ឋកិច្ចដ៏មានសក្តានុពលរបស់កម្ពុជា ក្នុងការជួយសម្រួលដល់ការតភ្ជាប់ ទំនាក់ទំនងគមនាគមន៍ និងការធ្វើសមាហរណកម្មតភ្ជាប់ផ្ទៃក្នុងប្រទេស ជាពិសេសកំពង់ផែទឹកជ្រៅនៅក្រុងព្រះសីហនុ សំដៅរួមចំណែកក្នុងការជំរុញការដោះដូរពាណិជ្ជកម្ម វិនិយោគ និងការដឹកជញ្ជូនដំណាំកសិផល និងកសិឧស្សាហកម្ម ឱ្យកាន់តែមានប្រសិទ្ធភាពខ្ពស់ ឆាប់រហ័ស និងចំណាយតិច ហើយក៏ជាផ្នែកមួយនៃផ្លូវអាស៊ានហាយវ៉េ១២៣ (ASEAN Highway 123) និងជារបៀងមាត់សមុទ្រខាងត្បូងរបស់មហាអនុតំបន់មេគង្គ GMS (R10)ផងដែរ។
បន្ថែមពីលើនេះ ផ្លូវនេះនឹងជួយជំរុញបន្ថែមសក្តានុពលតំបន់ទេសចរណ៍នៅក្នុងខេត្តកោះកុង ក៏ដូចជា តំបន់ទេសចរណ៍គិរីសាគរ ដែលជាគោលដៅទេសចរណ៍ដ៏សំខាន់មួយនៅភាគនិរតីកម្ពុជា និងជំរុញការ អភិវឌ្ឍសេដ្ឋកិច្ចក្នុងតំបន់ជាប់ព្រំប្រទល់ជាមួយប្រទេសជិតខាង និងរំពឹងថានឹងរួមចំណែកក្នុងការទាក់ទាញវិនិយោគិន និងជំរុញការនាំចេញនៅតំបន់សេដ្ឋកិច្ចពិសេសចំនួន៤ ដែលស្ថិតនៅតាមបណ្តោយផ្លូវនេះ រួមមាន៖ តំបន់សេដ្ឋកិច្ចពិសេសកោះកុង តំបន់សេដ្ឋកិច្ចពិសេស ស៊ួយ ឆេង តំបន់សេដ្ឋកិច្ចពិសេសគិរីសាគរកោះកុង និងតំបន់សេដ្ឋកិច្ចពិសេសរតនា៕
ដោយ ៖ សិលា
