សារព័ត៌មាន នគរវត្ត តែងតែនាំមុខគេជានិច្ច
ក្រុមមេឃខៀវ Manchester City ទទួលបានជ័យជម្នះមុនបើករដូវកាលលើក្រុម Bayern Munich ក្នុងលទ្ធផល ២ទល់១ នៅពហុកីឡដ្ឋានជាតិជប៉ុន ដោយសារគ្រាប់បាល់ស៊ុតបញ្ចូលទីពីកីឡាករ James McAtee និង Aymeric Laporte កាលពីរាត្រីថ្ងៃទី២៦ កក្កដា។
កីឡាករ McAtee បានបើកការស៊ុតបញ្ចូលទីក្នុងតង់ទី១នៅនាទីទី២១ ជាមួយនឹងគ្រាប់បាល់ដំបូងរបស់គាត់ដែលមិនធ្លាប់មានសម្រាប់ក្លិប មុនពេល Laporte រកបានគ្រាប់បាល់ទី២សម្រាប់ Man City នៅនាទីទី៨៥បន្ទាប់ពីក្រុមរបស់លោក Pep Guardiola បានរបូត១គ្រាប់វិញពីការស៊ុតបញ្ចូលទីដោយ Mathys Tel នៅនាទីទី៨១ឲ្យ Bayern Munich។
បន្ទាប់ពីការបើកឆាកដ៏ក្តៅគគុករយៈពេល១៥នាទី ឬយូរជាងនេះ Bayern Munich ហាក់ដូចជាគ្រប់គ្រងបាល់ច្រើន ហើយមានឱកាសការស៊ុតបញ្ចូលទីចំនួន២លើកជាប់ៗគ្នា។ ទីមួយ Jamal Musiala បានឃើញការខិតខំប្រឹងប្រែងពីពីការស៊ុតបាល់ពីចម្ងាយ តែត្រូវបានរារាំងដោយ Nathan Ake នៅពេលដែលគ្រាប់បាល់ហាក់ដូចជាប្រាកដមួយ ហើយមួយសន្ទុះក្រោយមកអតីតកីឡាកររបស់ក្រុម Man City កីឡាករ Leroy Sane បានទាត់បាល់ហ្វ្រីឃីកមួយគ្រាប់ ប៉ុន្តែហោះលើរបារទី។ ក្រោយចប់ការប្រកួតក្រុម Man City បានយកឈ្នះ Bayern Munich ២ទល់១។
ការប្រកួតបន្ទាប់របស់ក្រុម Bayern Munich មុនបើករដូវកាលគឺត្រូវប៉ះក្រុម Kawasaki Frontale, ក្រុម Liverpool និងក្រុម Monaco។ ចំណែកក្រុម Man City ត្រូវប៉ះក្រុម Atletico Madrid និងប៉ះក្រុម Arsenal មុនបើករដូវកាលថ្មី ៕
ដោយ៖ ភារៈ(រូបភាព ៖ 90min.com)
