សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសបាក់ជើងស្តាំត្រូវបានបញ្ជូនទៅសង្គ្រោះភ្លាមៗបន្ទាប់ពីជិះម៉ូតូចូលទៅចាក់សាំងត្រូវម៉ូតូមួយគ្រឿងទៀតបុកចំពីចំហៀងពេញទំហឹង កាលពីវេលាម៉ោង១០និង៣០នាទីព្រឹក ថ្ងៃទី២៨ ខែកក្កដា ឆ្នាំ២០២៣ នៅចំណុចស្តានីយ៍ប្រេងឥន្ធនៈកាល់តិច (ស្តុបទួលពង្រ) តាមបណ្តោយផ្លូវវេងស្រេង ស្ថិតក្នុងភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកហុងដា ពណ៌ខ្មៅ ពាក់ស្លាកលេខភ្នំពេញ1FO 6079 ធ្វេីដំណេីរតាមបណ្តោយផ្លូវចោមចៅក្នុងទិសដៅពីកេីតទៅលិចហេីយបានបត់ចូលចាក់សាំងនៅស្ថានីយ៍ប្រេងឥន្ធនៈកាល់តិចភ្លាមនោះស្រាប់តែមានបុរសម្នាក់ទៀតជិះម៉ូតូស្មាស់ ពណ៌ខ្មៅ ពាក់ស្លាកលេខក្រចេះ1G 5365 ធ្វេីដំណេីរឆ្លងកាត់ស្ថានីយ៍ក្នុងទិសដៅពីជេីងទៅត្បូងលឿនដោយសារបាំងសួនច្បារក៏វាក់អេីចាប់ហ្វ្រាំងមិនទាន់ជ្រុលបុកម៉ូតូហុងដាពីចំហៀងពេញទំហឹងបណ្តាលឱ្យបុរសជិះម៉ូតូហុងដារបួសបាក់ជេីងខាងស្តាំចំណែកខាងម៉ូតូបង្ករបួសស្រាល។
ក្រោយកេីតហេតុជនរងគ្រោះត្រូវបានបងប្អូនដឹកយកទៅមន្ទីរពេទ្យភ្លាមៗចំណែកម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖ សុខាសែនជ័យ
