សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោក ពាក់មី បានថ្លែងថា : ម៉ោងជិត2 ភ្លឺម្សិលមុិញហេីយ ដេកមិនលក់😓គិតច្រេីន ខ្លាចប្រពន្ធខ្ញុំ ប៉ះពាល់សុខភាព ដល់ថ្ងៃអនាគតខាងមុខ😓។ លោកថ្លែងបែបនេះ បន្ទាប់ពីភរិយាគាត់បានព្យួរសេរ៉ូមអោយសាច់សនៅមជ្ឈមណ្ឌលកែសម្ផស្ស S88 Beauty នៅថ្ងៃពុធ ទី២ខែសីហា ម៉ោង១រសៀល។ ភរិយាគាត់ចេញពីសង្គ្រោះបន្ទាន់នៅរសៀលម្សិលមុិញ ។
សូមបញ្ជាក់ថា : ក្រសួងសុខាភិបាលបានបិទមជ្ឈមណ្ឌលកែសម្ផស្ស S88 Beauty និងដកអាជ្ញាប័ណ្ណយប់មុិញអស់ហើយ ។ ដោយឡែកសុភាពនារីៗ មេត្តាកុំប្រថុយនឹងការព្យួរសេរ៉ូមអោយសាច់សនោះអី ដើម្បីអាយុជីវិតយើង។
លោក ទេព ពិសិដ្ឋ ម្ចាស់ប្រេន S88 BEAUTY បានព្យាយាមគេចវេះគ្រប់បែបយ៉ាង មិនព្រមចេញមុខមកទទួលខុសត្រូវឬរកដំណោះស្រាយជាមួយជនរងគ្រោះឡើយ ទើបមន្ត្រីនគរបាលយុត្តិធម៌ មន្ត្រីជំនាញខាងសុខាភិបាល ដែលមានការសម្របសម្រួលនីតិវិធីដោយតំណាងអយ្យការបានហៅឱ្យចេញពីលំនៅឋានដើម្បីចូលខ្លួនដោះស្រាយ។ ប៉ុន្តែជនរូបនេះថ្លើមពាសមេឃ ! ទីបំផុតសមត្ថកិច្ចនាំខ្លួនបានហើយ ទោះជាប្រឹងគេចខ្លួន ឬត្រូវព្យាយាមចង់ចំណាយប្រាក់ខ្ទង់ណាក៏ដោយ ?
ប្រជាពលរដ្ឋបានលើកឡើងថា ចង់គេចវេះមិនចូលខ្លួនដោះស្រាយមែនទេ! ជនខាងលើនេះ ទម្រាំតែអញ្ចេីញចេញពីគេហដ្ឋានបានត្រូវចាយពេលអស់បីម៉ោងក្រៅរបងផ្ទះ ម្ចាស់ប្រេន អេស88 ប៊ីយូធី! ។ ប្រតិបត្តិការនេះ មាន
ទាំងប្រធានព្រះរាជអាជ្ញា សមត្ថកិច្ចប៉ុស្តិ៍ច្រាំងចំរេះទី១ ខណ្ឌប្ញស្សីកែវ និងសមត្ថកិច្ចជំនាញខណ្ឌដូនពេញត្រូវនៅឈរចាំហាលថ្ងៃជិតបីម៉ោង ដេីម្បីបន្តនាំខ្លួនលោក ទេព ពិសិដ្ឋ ម្ចាស់ប្រេន S88 BEAUTY មកសាកសួរបន្តនៅអធិការដ្ឋាននគរបាលខណ្ឌដូនពេញ ក្រោយសាខាហាងកែសម្ផស្សយីហោមួយនេះដែលមានទីតាំងផ្ទះលេខ១១០អា ផ្លូវលេខ៥៣ សង្កាត់ផ្សារថ្មី៣ ខណ្ឌដូនពេញ បានធ្វេីអោយអតិថិជនប្រតិកម្មសន្លប់ ក្អួតចង្អោរ បន្ទាប់ពីមកទទួលសេវាកម្មព្យួរសេរ៉ូមសាច់ស ស្ទីមស៊ែល នៅហាង យីហោខាងលេីនេះ ។
សូមរំលឹកថា, សុភាពនារីទាំងឡាយមេត្តាគិតពិចារណាឱ្យបានច្រើនបន្តិច មុននឹងចង់កែសម្ផស្ស ដើម្បីឱ្យខ្លួនស្អាតស្រស់សោភា តម្រូវការខ្លួនឯង ឬជាការទាក់ទាញដួងចិត្តដៃគូស្វាមី ប៉ុន្តែត្រូវគិតអំពីអាយុជីវិតរបស់ខ្លួនឯងផង ។ ពីព្រោះថា ហាងកែសម្ផស្សមួយចំនួន ជាពិសេសដូចជាហាងកែសម្ផស្សយីហោ ប្រេន S88 BEAUTY កន្លងទៅបានដឹងថាមានស្ត្រីរងគ្រោះប៉ុន្មាននាក់ ? ត្រូវបានខូចសុខភាព ប៉ុន្តែករណីភរិយារបស់តារាសម្ដែងពាក់មី រងគ្រោះដោយសារហាងខាងលើ ទទួលបានយុត្តិធម៌បណ្ដើរៗហើយ ហើយសូមមន្ត្រីនគរបាលយុត្តិធម៌ តំណាងអយ្យការ មានវិធានការតឹងតែង ចំពោះហាងកែសម្ផស្សនេះ ប្រយោជន៍ធ្វើឱ្យហាងកែសម្ផស្សដទៃផ្សេងទៀតអនុវត្តតាមក្រសួងសុខាភិបាល មានក្រុមគ្រូពេទ្យដែលមានបច្ចេកទេសជំនាញ ត្រឹមត្រូវ មានបទពិសោធន៍ទទួលស្គាល់ដោយក្រសួងសុខាភិបាលផង ៕
ដោយ ៖ រ៉ារ៉ា
