សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ឧត្តមសេនីយ៍ឯកយោធាពាក់ផ្កាយ៣ម្នាក់ខណៈបេីករថយន្តសុខៗក៏បានឈប់រថយន្តនៅចិញ្ចេីមផ្លូវអង្គុយស្លាប់ក្នុងរថយន្តតែម្តង បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង៤និង៣០នាទីល្ងាច ថ្ងៃទី៦ខែកញ្ញាឆ្នាំ២០២៣ នៅចំណុចមុខមន្ទីរពេទ្យសម្រាកព្យាបាលឯករាជ្យ តាមបណ្តោយផ្លូវចោមចៅ សង្កាត់ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
ជនរងគ្រោះត្រូវបានគេស្គាល់ឈ្មោះ សាំង អូន ភេទប្រុសអាយុ៦៤ឆ្នាំមុខរបរ យោធា ឋារន្តស័ក្កឧត្តមសេនីយ៍ឯក អង្គភាពអគ្គលេខាធិការដ្ឋាន ក្រសួងការពារជាតិ បច្ចុប្បន្ន(ចូល និវត្តន៍) ទីលំនៅបច្ចុប្បន្ន ផ្ទះលេខ សេ២៦ ភូមិ ខ ១ សង្កាត់ ច្រាំងចំរេះ២ ខណ្ឌឫស្សីកែវ រាជធានីភ្នំពេញ មានស្រុកកំណើត ភូមិកោះគោ ឃុំព្រៃគគី ស្រុកចន្រា្ត ខេត្ត ស្វាយរៀង។
បេីករថយន្តរថយន្តម៉ាកRAV4 ពណ៌ស្ក ពាក់ស្លាកលេខភ្នំពេញ2X.3545។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញជនរងគ្រោះបេីករថយន្តធ្វេីដំណេីរតាមបណ្តោយផ្លូវចោមចៅក្នុងទិសដៅពីលិចទៅកេីតខណៈមកដល់ចំណុចកេីតហេតុសង្ស័យមិនស្រួលខ្លួនក៏អែបរថយន្តឈប់នៅខាងមុខមន្ទីរពេទ្យឯករាជ្យ ហេីយក៏អង្គុយស្លាប់ក្នុងរថយន្តតែម្តង។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុហ៊ុមព័ទ្ធកន្លែងកេីតហេតុរង់ចាំជំនាញមកពិនិត្យជាក់ស្តែង។
សមត្ថកិច្ចជំនាញបានបញ្ជាក់ថា ជនរងគ្រោះស្លាប់ដោយសារគាំងបេះដូង ក្រោយពិនិត្យកោសល្យវិច័យរួចប្រគល់សពទៅក្រុមគ្រួសារដឹកយកទៅធ្វេីបុណ្យនៅវត្តអង្គតាមិញតាមប្រពៃណី៕
ដោយ៖សុខាសែនជ័យ
