សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ ជនសង្ស័យចំនួន៣នាក់ត្រូវបានកម្លាំងនគរបាលធ្វេីការឃាត់ខ្លួនពាក់ព័ន្ធករណីជួញដូរគ្រឿងញៀននិងដកហូតវត្ថុតាងមួយចំនួនកាលពីវេលាម៉ោង១រំលងអធ្រាត្រឈានចូលថ្ងៃទី៨ ខែកញ្ញា ឆ្នាំ២០២៣ នៅចំណុចផ្លូវកែងបត់ចូលវត្តប្រាសាទសួគ៌ា ស្ថិតក្នុងភូមិស្រែឈើនាង ឃុំស្រែននោង ស្រុកត្រាំកក់ ខេត្តតាកែវ។
កម្លាំងសមត្ថកិច្ចបានឱ្យដឹងថា មុននឹងឈានដល់ការឃាត់ខ្លួនជនសង្ស័យខាងលេីនេះ កម្លាំងគរបាលបានចុះល្បាតក្នុងមួលដ្ឋានដេីម្បីទប់ស្កាត់កុំឱ្យមានបទល្មេីសផ្សេងៗកើតឡើង ខណៈល្បាតមកដល់ចំណុចផ្លូវកែងបត់ចូលវត្តប្រាសាទសួគ៌ា ស្ថិតក្នុងភូមិស្រែឈើនាង ឃុំស្រែននោង ស្រុកត្រាំកក់ ក៏បានធ្វើការឃាត់ខ្លួនជនសង្ស័យចំនួន០២នាក់ :
១-ឈ្មោះ ងូ ដេត ហៅ ប៊ូក ភេទប្រុស អាយុ ២២ឆ្នាំ នៅភូមិព្រឹសក្រោម ឃុំខ្វាវ ស្រុកទ្រាំង ខេត្តតាកែវ ។
២-ឈ្មោះ វៀច ខន ភេទប្រុស អាយុ២៣ឆ្នាំ នៅភូមិពង្រ ឃុំខ្វាវ ស្រុកទ្រាំង ខេត្តតាកែវ និងធ្វើការឆែកឆេរក៏ប្រទះឃើញមានម្សៅក្រាមពណ៌សថ្លាសង្ស័យថាជាសារធាតុញៀនចំនួន០១កញ្ចប់ធំ ទូរស័ព្ទ០៣គ្រឿង ម៉ូតូ០១គ្រឿង ភ្លាមនោះសមត្ថកិច្ចក៏ធ្វើការឃាត់ខ្លួនជនសង្ស័យ រួចបញ្ជូនជាមួយវត្ថុតាងមកអធិការដ្ឋាននគរបាលស្រុកត្រាំកក់ដើម្បីធ្វើការសាកសួរ។
ដោយផ្អែកលើចម្លើយឆ្លើយដាក់របស់ឈ្មោះ វៀច ខន ភេទប្រុស អាយុ២៣ឆ្នាំ នៅភូមិពង្រ ឃុំខ្វវ ស្រុកទ្រាំង នៅថ្ងៃទី០៨ ខែ០៩ ឆ្នាំ២០២៣ វេលាម៉ោង០៩និង០០នាទី សមត្ថកិច្ចក៏បានបន្តនីតិវិធីឈានទៅធ្វើការឃាត់ខ្លួនឈ្មោះ ផន ផុន ភេទប្រុសអាយុ ៣៦ឆ្នាំ ម្នាក់ទៀត ។
បច្ចុប្បន្នជនសង្ស័យសមត្ថកិច្ចកំពុងកសាងសំណុំរឿងទៅតាមនីតិវិធីច្បាប់ ៕
ដោយ៖សុខាសែនជ័យ
