សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់សន្លប់ស្តូកស្តឹងនៅតាមបណ្តោយផ្លូវភ្នំពេញហាណូយស្ថិតក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ខណៈគាត់ជិះម៉ូតូដួលដោយខ្លួនឯង។ ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១០និង៣០នាទីយប់ថ្ងៃទី០៩ខែកញ្ញាឆ្នាំ២០២៣។
អ្នកឃើញហេតុការណ៍បានអោយដឹងថា នៅមុនពេលកើតហេតុបុរសខាងលើបានជិះម៉ូតូ១គ្រឿងម៉ាកហុងដាស្គូពីពណ៌សមិនចាំស្លាកលេខ បើកបរក្នុងទិសដៅពីត្បូងទៅជើងក្នុងល្បឿនលឿនលុះមកដល់ចំណុចកើតស្រាប់តែឃើញអ្នកបើកបរម៉ូតូនេះដួលសន្លប់ស្តូកស្តឹងរងរបួសធ្ងន់ ចំណែកម៉ូតូខូចខាតយ៉ាងដំណំប៉ុន្តែសំណាងល្អហើយដែលមានរថយន្តធុនធំ១គ្រឿងបើកមកពីក្រោយដែរតែគេចផុតកុំអីមិនដឹងជាគ្រោះថ្នាក់ដល់អាយុជីវិតឫយ៉ាងណានោះទេ។ បុរសខាងលើមិនស្គាល់អត្តសញ្ញាណឡើយ គ្រាន់តែឃើញថា គាត់ស្លៀកខោខូវប៊យជើងវែងពាក់អាវពណ៌សនៅខាងក្នុងអាវធំខាងក្រៅ ជិះម៉ូតូម៉ាកហុងដាស្គូពីមិនចាំស្លាកលេខ។
ប្រភពបន្តថា ក្រោយកើតហេតុប្រជាពលរដ្ឋបានទាក់ទងទៅរថយន្តសាមុយមកដឹកអ្នករបួសនិងម៉ូតូយកទៅសង្គ្រោះនៅមន្ទីរពេទ្យឯកជនក្នុងរាជធានីភ្នំពេញ ដោយមិនរំខានដល់សមត្ថកិច្ចនោះទេ៕
ដោយ៖ ចន្ទ លីហ្សា
