សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ យោងតាមរបាយការណ៍នគរបាលកម្លាំងជំនាញក្រុងបាត់ដំបងបានឃាត់ខ្លួនជនសង្ស័យ២នាក់កាលពីយប់ថ្ងៃទី១៤ខែកញ្ញា ឆ្នាំ២០២៣វេលាម៉ោង២២និង៣០នាទីនៅចំណុចភូមិរំចេក៤សង្កាត់រតនៈ ក្រុងបាត់ដំបង ខេត្តបាត់ដំបង អនុវត្តតាមយោបល់ដឹកនាំរបស់លោក សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង,ក៏ដូច សុខ និមល ស្នងការរងផែនការងារប្រឆាំងគ្រឿងញៀនកម្លាំងការិយាល័យនគរបាល ប្រឆាំងគ្រឿងញៀនដែលមានលោក ប៉ាន ចាន់រិទ្ធ ជានាយការិយាល័យចូលរួមសហការជាមួយកម្លាំងការិយាល័យនគរបាលចរាចរណ៍ផ្លូវគោក ដែលមានលោក ចាន់ សុធី ជានាយការិយាល័យ និងកម្លាំងអធិការដ្ឋាននគរបាលក្រុងបាត់ដំបង ដែលមានលោក ពេជ្រ សារ៉ែន ជាអធិការរួមជាមួយ កម្លាំងកងរាជអាវុធហត្ថខេត្តបាត់ដំបង បានចុះត្រួតពិនិត្យតាមដងផ្លូវ ស្វែងរកអ្នកបេីកបរ ក្រោមឥទ្ធិពល នៃគ្រឿងញៀននៅមូលដ្ឋានខាងលើនិងរកឃើញបញ្ហា នេះ ០១ ករណី ដោយឃាត់ខ្លួនជនសង្ស័យបានចំនួន ០២នាក់ មានឈ្មោះដូចខាងក្រោម ៖
១-ឈ្មោះ ឃឹម កូឡាសីលា ភេទប្រុសអាយុ ២១ ឆ្នាំមានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ។
២-ឈ្មោះ គុជ មនោ ភេទប្រុសអាយុ ៤៣ឆ្នាំ មានទីលំនៅភូមិព្រែកព្រះស្តេច សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង ។
កម្លាំងនគរបាលក្រុងបានបន្តថា÷ ក្រោយពីបានឃាត់ខ្លួនជនសង្ស័យ២នាក់ខាងលើរួចមក កម្លាំងជំនាញបានប្រមូលវត្ថុតាងយកបានរួមមាន ៖
-ទូរស័ព្ទដៃចំនួន ០២គ្រឿង
-រថយន្តចំនួន ០១គ្រឿង ម៉ាកសាំយ៉ុង ពណ៌សំបកឪឡឹក។
-ម៉ូតូចំនួន០១គ្រឿង ម៉ាកហុងដា ពណ៌ខ្មៅ ស៊េរីឆ្នាំ២០១៩។
បច្ចុប្បន្នជនសង័្សយនិងវត្ថុតាងត្រូវបានកម្លាំងជំនាញកំពុងកសាងសំណុំរឿងបញ្ជូនទៅ សាលាដំបូងខេត្តអនុវត្តតាមនីតិវិធីច្បាប់ ៕
ដោយ៖ ស សារ៉េត
