សារព័ត៌មាន នគរវត្ត តែងតែនាំមុខគេជានិច្ច
CNN បានផ្សាយថា កាលពីប៉ុន្មានខែមុននេះ មន្ត្រីបារាំងបាននិងកំពុងព្យាយាមពន្លឿនការងារនៃការផ្លាស់ប្តូរជនអនាថាពីទីក្រុងប៉ារីសទៅកាន់ផ្នែកផ្សេងទៀតនៃប្រទេស ដើម្បីត្រៀមសម្រាប់កីឡាអូឡាំពិករដូវក្តៅឆ្នាំ 2024 ។
ព្រឹកមួយនៅទីក្រុងប៉ារីស ក្បែរស្ថានីយរថភ្លើងក្រោមដី Stalingrad ជនចំណាកស្រុករាប់រយនាក់បានដេកលក់យ៉ាងកកកុញនៅក្រោមស្ពានអាកាសមួយ។ អ្នកខ្លះដេកលើបំណែកក្រដាសកាតុង ខ្លះទៀតដេកនៅខាងផ្លូវ។
ថ្មីៗនេះមានព័ត៌មានថា រថយន្តក្រុងរដ្ឋាភិបាលនឹងមកទទួលជនចំណាកស្រុកនៅគ្រប់ទីកន្លែង។ មនុស្សមួយចំនួនកំពុងរង់ចាំដោយអន្ទះសាដោយសង្ឃឹមថានឹងទទួលបានកន្លែងស្នាក់នៅ អ្នកខ្លះទៀតភ័យខ្លាចថាពួកគេនឹងត្រូវបង្ខំចិត្តចាកចេញពីរដ្ឋធានី។
អាជ្ញាធរបារាំងបាននិងកំពុងព្យាយាមពន្លឿនការងារដឹកជញ្ជូនជនអនាថាពីទីក្រុងប៉ារីសទៅកាន់ផ្នែកផ្សេងទៀតនៃប្រទេស ដែលជាផ្នែកនៃផែនការដើម្បីបន្ធូរបន្ថយសម្ពាធលើសេវាស្នាក់នៅបន្ទាន់របស់ទីក្រុង។ រៀងរាល់សប្តាហ៍ មនុស្សពី 50 ទៅ150នាក់ត្រូវបាននាំយកទៅទីតាំង 1 ក្នុងចំណោម 10 ទូទាំងប្រទេស។
ទោះបីជាមន្ត្រីបារាំងបដិសេធថា ការងារដកជនអនាថាចេញពីរដ្ឋធានី ពាក់ព័ន្ធនឹងកីឡាអូឡាំពិក ដែលប្រារព្ធឡើងនៅឆ្នាំក្រោយក៏ដោយ ក៏អង្គការក្រៅរដ្ឋាភិបាលមួយចំនួនជឿថា ពិធីប្រកួតកីឡានាពេលខាងមុខ គឺជាផ្នែកនៃហេតុផលដែលបារាំងអនុវត្តផែនការ “សម្អាត” ទីក្រុងប៉ារីស។ .
នាយកអង្គការមិនមែនរដ្ឋាភិបាល Medecins Du Monde Paul Alauzy បាននិយាយថា មុនពេលព្រឹត្តិការណ៍កីឡាអូឡាំពិក សណ្ឋាគារជាច្រើននៅទីក្រុងប៉ារីសបានលុបចោលកិច្ចសន្យាជាមួយរដ្ឋាភិបាលក្នុងការផ្តល់សេវាស្នាក់នៅ សង្គ្រោះបន្ទាន់ដើម្បីកក់បន្ទប់សម្រាប់ភ្ញៀវទេសចរដែលចូលមក។ យ៉ាងហោចណាស់មានសណ្ឋាគារចំនួន ៥០០០ បានលុបចោលកិច្ចសន្យារបស់ខ្លួន។ រដ្ឋាភិបាលទីក្រុងបានប្រាប់ CNN ថា អរគុណចំពោះការស្វែងរកដំណោះស្រាយជំនួសចំនួននៃកន្លែងស្នាក់នៅសង្គ្រោះបន្ទាន់ដែលបាត់បង់គឺមានតែប្រហែល 2,000 ប៉ុណ្ណោះ៕ ដោយ៖ ធីរីណា
រូបថត៖ 1thegioi.vn
