សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានការភ្ញាក់ផ្អេីលមួយ បន្ទាប់ពីអគ្គិភ័យបានឆាបឆេះផ្ទះល្វែងជាន់ផ្ទាល់ដីចំនួន២ល្វែងយ៉ាងសន្ធោសន្ធៅនៅវេលាម៉ោង១០និង៣០ នាទីព្រឹក ថ្ងៃពុធ ២រោច ខែកត្កិត ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២៩ ខែវិច្ឆិកា ឆ្នាំ២០២៣ នៅចំណុចផ្ទះលេខ ៥៣អាបេ ផ្លូវលេខ៣៣៨ សង្កាត់ទួលស្វាយព្រៃ២ ខណ្ឌបឹងកេងកង រាជធានីភ្នំពេញ ។
សមត្ថកិច្ចបានឱ្យដឹងថា ម្ចាស់ទីតាំងមានឈ្មោះ លឹម ម៉េងហៃ ភេទប្រុស អាយុ ៦៣ឆ្នាំ ជនជាតិខ្មែរ មុខរបរអ្នកលក់ធុងបាស ។
តាមប្រភពព័ត៌មានពីប្រជាពលរដ្ឋបានឱ្យដឹងថា មុនកេីតហេតុ មានការទុស្សេកាប៊ីនភ្លេីងពីបង្គោលនៅជាប់ផ្ទះកេីតហេតុជាខ្លាំង ។ បន្ទាប់មកក៏មានភ្លេីងឆាបឆេះឡេីងយ៉ាងសន្ធោសន្ធៅដល់ផ្ទះចំនួន០២ល្វែងជាប់គ្នាទេីបមានអាជ្ញាធរមូលដ្ឋានចុះមកដល់ និងមានរថយន្តពន្លត់អគ្គិភ័យជាច្រេីនគ្រឿងចេញមកធ្វេីអន្តរាគមន៍បាញ់ទឹកពន្លត់ផងដែរ ។
ក្នុងករណីនេះ សមត្ថកិច្ចជំនាញបានបញ្ចាក់ថា បណ្ដាលមកពីឆ្លងចរន្តអគ្គិសនី ឆេះប្រភេទសំណង់ថ្មបេតុង ទំហំ ១០ម៉ែត្រ X ២៥ម៉ែត្រ ដោយឆេះផ្ទះល្វែងជាន់ផ្ទាល់ដីចំនួន០២ល្វែងនិងសម្ភាររួមមាន៖ ម៉ូតូហុងដា PCX ចំនួន ០១ គ្រឿង, ធុងបាស៦០គ្រឿង ,ទូរទស្សន៍ចំនួន ០២ គ្រឿង ,កាមេរ៉ាសុវត្ថិភាពចំនួន ០២ឈុត ,សម្ភារប្រើប្រាស់ប្រចាំថ្ងៃអស់ទាំងស្រុង តែពុំបានឆេះរាលដាលដល់អ្នកក្បែរខាងឡើយ ។ ក្នុងនោះពុំមានមនុស្សបាត់បង់ជីវិតនោះទេ តែមានមនុស្សចំនួន០១នាក់ (ភេទប្រុសរបួសស្រាល) ជាមន្រ្តីការិយាល័យអគ្គិភ័យ ។
គួរបញ្ជាក់ថា កងកម្លាំងបង្ការពន្លត់អគ្គិភ័យនិងសង្គ្រោះបានប្រេីប្រាស់រថយន្តពន្លត់អគ្គិភ័យចំនួន ១៩ គ្រឿង ប្រេីប្រាស់ទឹកអស់ចំនួន ១៩ រថយន្ត ស្មើនឹង ៧៦ម៉ែត្រគូប។ រថយន្តជំនួយ:
- រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ស្មើនឹង០៦ម៉ែត្រគូប។
- រថយន្តពន្លត់អគ្គិភ័យទីក្រុងកោះពេជ្រចំនួន០៣គ្រឿង ប្រើប្រាស់ទឹកអស់ចំនួន ០៣រថយន្ត ស្មើនឹង១២ម៉ែត្រគូប ។
- រថយន្តពន្លត់អគ្គិភ័យទីក្រុងអូឡាំព្យា៉ចំនួន ០២ គ្រឿង ប្រើប្រាស់ទឹកអស់ចំនួន ០២រថយន្ត ស្មើនឹង០៨ម៉ែត្រគូប ដោយពន្លត់ចប់នៅវេលាម៉ោង១២និង០០នាទីថ្ងៃត្រង់ នាថ្ងៃខែឆ្នាំដដែល ៕
ដោយ ៖ ភារ៉ា ដង្កោ
