សារព័ត៌មាន នគរវត្ត តែងតែនាំមុខគេជានិច្ច
ជម្លោះនៅមជ្ឈិមបូព៌ាមានហានិភ័យមិនត្រឹមតែនៅតំបន់ហ្គាហ្សាស្ទ្រីបប៉ុណ្ណោះទេ ប៉ុន្តែនឹងពង្រីកដល់ប្រទេសលីបង់។
កងកម្លាំងការពារអុីស្រាអែល (IDF) បាននិយាយថា ពួកគេបានវាយប្រហារក្រុម Hezbollah នៅក្នុងតំបន់នៃទីក្រុង Marwahin ក៏ដូចជាទីតាំងយោធានៃចលនាប្រដាប់អាវុធនេះនៅភាគខាងត្បូងប្រទេសលីបង់។
ប្រតិបត្តិការខាងលើត្រូវបានធ្វើឡើងដើម្បីឆ្លើយតបទៅនឹងសកម្មភាពដ៏អង់អាចរបស់ហេសបូឡា ដែលបង្កការគំរាមកំហែងដល់សន្តិសុខរបស់អុីស្រាអែល។
យោងតាមប៉ុស្តិ៍ IDF Telegram ក្នុងអំឡុងពេលនៃការបាញ់ផ្លោងទៅលើគោលដៅខាងលើ ការផ្ទុះជាច្រើនត្រូវបានគេកត់ត្រាទុក ដែលបង្ហាញពីវត្តមានអាវុធនៅក្នុងកន្លែងទាំងនេះ។
លើសពីនេះ កងទ័ពអុីស្រាអែលក៏បានរារាំងយន្តហោះមួយគ្រឿងដែលចូលមកអុីស្រាអែលពីប្រទេសលីបង់ ក្នុងតំបន់ Moshav Even Menachem នៅភាគខាងជើងនៃប្រទេស។ សកម្មភាពនេះសង្កត់ធ្ងន់ទៅលើការប្រុងប្រយ័ត្នរបស់ IDF ប្រឆាំងនឹងការគំរាមកំហែងដែលអាចកើតមានទាំងអស់។
នាយករដ្ឋមន្ត្រីអុីស្រាអែល លោក Benjamin Netanyahu កាលពីថ្ងៃទី៧ ខែមករា ឆ្នាំ២០២៤ បានប្រកាសថា ប្រទេសនេះបានត្រៀមខ្លួនរួចជាស្រេចក្នុងការដោះស្រាយជម្លោះជាមួយចលនា Hezbollah នៅក្នុងប្រទេសលីបង់ តាមរយៈវិធានការនយោបាយ។
ទោះជាយ៉ាងណាក៏ដោយ ពាក្យរបស់គាត់ហាក់ដូចជាឱសានវាទ នៅពេលដែលសង្កត់ធ្ងន់ថា ក្នុងករណីបរាជ័យ អុីស្រាអែលនឹងពិចារណា “ជម្រើសផ្សេងទៀត” ។
លោក Netanyahu បានអំពាវនាវដល់ក្រុម Hezbollah ឱ្យរៀនមេរៀនដែលក្រុមហាម៉ាស់បានជួបប្រទះ និងសង្កត់ធ្ងន់លើការប្តេជ្ញាចិត្តរបស់អុីស្រាអែលក្នុងការការពារពលរដ្ឋរបស់ខ្លួន៕ ដោយ៖ ធីរីណា
រូបថត៖ GD&TD
