សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសចំណាស់ម្នាក់ ជួសជុលអណ្តូងស្នប់ភ្ជាប់ម៉ូទ័របូមទឹក មិនប្រយ័ត្ន ឆក់ស្លាប់កាលពីវេលាម៉ោង១និង១៥នាទីរសៀល ថ្ងៃ ទី១៦ ខែមករា ឆ្នាំ២០២៤ ភូមិ ព្រៃភ្នៀត ឃុំសំឡី ស្រុក កំពង់រោទ៍ ខេត្តស្វាយរៀង ។
យោងតាមប្រភពពីសមត្ថកិច្ចឃុំសំឡីបានឲ្យដឹងថា ជនរងគ្រោះឈ្មោះ នាង ភាព អាយុ៥៧ឆ្នាំ មុខរបរកសិករ មានទីលំនៅភូមិ ព្រៃភ្នៀត ឃុំ សំឡី ស្រុកកំពង់រោទ៍ ខេត្តស្វាយរៀង ។
ប្រភពបន្តថា បន្ទាប់ពី បានព័ត៌មានពីលោកមេភូមិព្រៃភ្នៀត តាមរយៈទូរស័ព្ទថាមានករណីមនុស្សស្លាប់ដោយឆក់ខ្សែភ្លើង ទទួលបានព័ត៌មានខាងលើនេះភ្លាម កម្លាំងជំនាញនៃអធិការដ្ឋាននគរបាលស្រុកកំពង់រោទ៍បានសហការជាមួយកម្លាំងប៉ុស្តិ៍នគរបាលរដ្ឋបាលឃុំសំឡីនិងលោកមេភូមិព្រៃភ្នៀត បានចុះដល់កន្លែងកើតហេតុ ដើម្បីពិនិត្យ។
តាមការបំភ្លឺរបស់ឈ្មោះ ព្រាប សំអួន អាយុ៥៦ឆ្នាំ ត្រូវជាប្រពន្វរបស់សពរងគ្រោះបានឆ្លើយបំភ្លឺប្រាប់សមត្ថកិច្ចជំនាញថានៅវេលាម៉ោងប្រហែល៩ព្រឹក ប្តីរបស់ខ្លួនបានអង្គុយធ្វើអណ្តូងស្នប់ដែលមិនមានទឹកចេញនៅខាងមុខផ្ទះរបស់ខ្លួនដោយតភ្ជាប់ខ្សែភ្លើង (ធ្វើអណ្តូងស្នប់ទៅម៉ូទ័រទឹក) ហើយជនរងគ្រោះជាប្តីបានប្រើគាត់ឲ្យទៅទិញជ័របិទទីយោជ័រធ្វើអណ្តូង ពេលគាត់ត្រឡប់មកវិញ ស្រាប់តែឃើញប្តីរបស់ខ្លួនដេកជិតអណ្តូង ឆក់ស្លាប់បាត់ទៅហើយ។
បច្ចុប្បន្នសពជនរងគ្រោះសមត្ថកិច្ចជំនាញនៃអធិការដ្ឋាននគរបាលស្រុកកំពង់រោទ៍និងកម្លាំងប៉ុស្តិ៍នគរបាលរដ្ឋបាលឃុំសំឡីបានប្រគល់ជូនក្រុមគ្រូសារ យកទៅធ្វើបុណ្យតាមប្រពៃណី ៕
ដោយ៖ សុថាន
