សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានសម្រេចបណ្តេញនាយទាហានចំនួនពីរនាក់ទៀត ចេញពីក្របខ័ណ្ឌយោធា ក្រោយរកឃើញពួកគេប្រើប្រាស់គ្រឿងញៀន។ នេះបេីយោងតាមប្រភពព័ត៌មានពីសេចក្ដីប្រកាសរបស់ក្រសួងការពារជាតិ ដែលទើបទទួលបាននៅព្រឹកថ្ងៃពុធទី១៧ ខែមករា ឆ្នាំ២០២៤។
ប្រការ១: សម្រេចលុបឈ្មោះ នាយទាហានចេញពីក្របខ័ណ្ឌនៃកងយោធពលខេមរភូមិន្ទ ដែលមានរាយនាមដូចខាងក្រោម៖
១-វរនាវីត្រី ត្រី ដារ៉ា អត្តលេខ ២២៤៤១៨ មេបញ្ជាការរងកងកាំភ្លើងការពារអាកាស មូលដ្ឋានសមុទ្រ កងទ័ពជើងទឹក
២-វរសេនីយ៍ត្រី រ៉េន ស៊ីណាត អត្តលេខ ១៩៦៨៤៧ មេបញ្ជាការរង មូលដ្ឋានកងរាជអាវុធហត្ថខណ្ឌជ្រោយចង្វា បញ្ជាការដ្ឋានកងរាជអាវុធហត្ថរាជធានីភ្នំពេញ។
មូលហេតុ ពាក់ព័ន្ធការប្រើប្រាស់គ្រឿងញៀន ។
ប្រការ២ : បទប្បញ្ញត្តិទាំងឡាយណាដែលផ្ទុយនឹងប្រកាសនេះត្រូវទុកជានិរាករណ៍ ។
ប្រកា៣ : អគ្គមេបញ្ជាការ នៃកងយោធពលខេមរភូមិន្ទ អគ្គលេខាធិការ ក្រសួងការពារជាតិ នាយកនាយកដ្ឋានបុគ្គលិក បណ្តាស្ថាប័ន កងឯកភាពដែលមានការពាក់ព័ន្ធ និងសាមីខ្លួន ត្រូវអនុវត្តតាមប្រកាសនេះ ចាប់ពីថ្ងៃចុះហត្ថលេខាតទៅ៕
ដោយ៖ សិលា
