សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋបានប្រទះឃេីញប្តីប្រពន្ធមួយគូស្លាប់ក្នុងបន្ទប់ជួលបង្កការភ្ញាក់ផ្អេីលកាលពីវេលាម៉ោង៨និង៣០នាទីព្រឹកថ្ងៃទី១៤ ខែកុម្ភៈឆ្នាំ២០២៤នេះ នៅក្នុងបន្ទប់ជួលលេខB15 ក្នុងបុរីញ៉ូថោន ភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះជាប្តីឈ្មោះទុំ ចាន់សុម៉េង ភេទប្រុស អាយុ២៧ឆ្នាំ ស្នាក់នៅកន្លែងកេីតហេតុ ចំណែកប្រពន្ធឈ្មោះ រូង ករុណា អាយុ១៩ឆ្នាំ មុខរបរលក់បាយ ស្នាក់នៅកន្លែងកេីតហេតុ។
តាមប្រភពព័ត៌មានបានឱ្យដឹងថា ជនរងគ្រោះទាំង២នាក់មិនបានចេញពីបន្ទប់ជួលតាំងពីថ្ងៃទី១២ ខែកុម្ភៈមកម្ល៉េះ លុះមកដល់ថ្ងៃកេីតហេតុទេីបអ្នកជិតខាងរាយការណ៍ទៅសន្តិសុខ គាស់បន្ទប់ចូលមេីលស្រាប់តែឃេីញប្រពន្ធស្លាប់នៅលេីឥដ្ឋការ៉ូ ចំណែកប្តីចងកសម្លាប់ខ្លួន។
ក្រោយពីបង្កការភ្ញាក់ផ្អេីលក៏រាយការណ៍ទៅសមត្ថកិច្ចមូលដ្ឋានចុះមកដល់ចំណុចកេីតហេតុពិនិត្យជាក់ស្តែង។
ជំហានដំបូងសង្ស័យថា ករណីប្តីសម្លាប់ប្រពន្ធរួចចងកសម្លាប់ខ្លួនឯងតាមក្រោយ៕
ដោយ៖សុខាសែនជ័យ
