សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មុននេះបន្តិច ! នាវេលាម៉ោង ១៣:០០នាទី រសៀលថ្ងៃទី១៤ ខែកុម្ភៈ ឆ្នាំ ២០២៤ មានអគ្គិភ័យឆាបឆេះផ្ទះប្រជាពលរដ្ឋយ៉ាងសន្ធោសន្ធៅ ស្ថិតនៅតាមបណ្ដោយផ្លូវរថភ្លើង ក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
ប្រជាពលរដ្ឋ សមត្ថកិច្ច អាជ្ញាធរ កំពុងនាំគ្នាជួយអន្តរាគមន៍ពន្លត់ ស្របពេលដែលផ្ទៃមេឃកំពុងតែមានកម្តៅខ្លាំង ងាយនឹងឆេះរាលដាល ។
គេពុំទាន់ដឹងថា អគ្គិភ័យនេះបានបង្កមកពីអ្វីឱ្យពិតប្រាកដនៅឡើយទេ ខណៈសមត្ថកិច្ច អាជ្ញាធរ កំពុងជួយអន្តរាគមន៍ពន្លត់ និងជួយប្រជាពលរដ្ឋជាជនរងគ្រោះ ។ ចំពោះព័ត៌មានលម្អិត អង្គភាពមជ្ឈមណ្ឌលព័ត៌មាន”នគរវត្ត” នឹងបន្តផ្សព្វផ្សាយលម្អិតនៅពេលក្រោយ៕
ដោយ ៖ រ៉ារ៉ា
