សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្នងការដ្ឋាននគរបាលរាជធានី នៅរសៀលថ្ងៃទី២២ ខែកុម្ភៈ ឆ្នាំ២០២៤នេះ បានឱ្យដឹងថា ក្នុងយុទ្ធនាការត្រួតពិនិត្យជាតិអាល់កុល យប់មិញនេះ កម្លាំងសមត្ថកិច្ចចម្រុះតាមបណ្ដាខណ្ឌមួយចំនួន ក្នុងរាជធានីភ្នំពេញ បានឃាត់យានយន្តល្មើស ចំនួន៦៣គ្រឿង។
ប្រភពដដែលបន្តថា ជាក់ស្ដែងក្នុងប្រតិបត្តិការនៃលទ្ធផលការអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្រោមការអនុវត្តតាមបទបញ្ជាផ្ទាល់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី២១ ខែកុម្ភៈ តាមបណ្តាអធិការដ្ឋាននគរបាលខណ្ឌ បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖
ឃាត់យានយន្តល្មើស ចំនួន៦៣គ្រឿង (រថយន្ត ចំនួន៣៣គ្រឿង, ម៉ូតូ ចំនួន៣០គ្រឿង)
១.ល្មើសជាតិស្រវឹង ចំនួន៣៦គ្រឿង
+កម្រិត ០.២៥ – ០.៣៩ mg/L ចំនួន១៣ គ្រឿង
-អ្នកបើកបរម៉ូតូ ចំនួន០៨នាក់
-អ្នកបើកបររថយន្ត ចំនួន០៥នាក់
+កម្រិត ០.៤០ mg/L ឡើង ចំនួន២៣គ្រឿង
-អ្នកបើកបរម៉ូតូ ចំនួន១២នាក់
-អ្នកបើកបររថយន្ត ចំនួន១១នាក់
២.បទល្មើសផ្សេងៗ ចំនួន២៧ គ្រឿង
-អត់មួកសុវត្ថិភាព ចំនួន០៩នាក់
-ម៉ូតូគ្មានប័ណ្ណបើកបរ ចំនួន០១ គ្រឿង
-រថយន្តគ្មានប័ណ្ណបើកបរ ចំនួន១៦ គ្រឿង
-រថយន្តផ្ទុកសារធាតុញៀន ចំនួន០១ គ្រឿង
៣.វិធានការអប់រំ ចំនួន៥៥នាក់
+ អប់រំអ្នកបេីកបរមានអាល់កុលក្រោម ០.២៥ mg/L ចំនួន១៦នាក់
– អ្នកបេីកបររថយន្ត ចំនួន០៩នាក់
– អ្នកបេីកបរម៉ូតូ ចំនួន០៧នាក់
+ អប់រំអ្នកបេីកបរមិនពាក់មួកសុវត្ថិភាព ចំនួន៣៩នាក់៕
ដោយ៖ តារា
