សារព័ត៌មាន នគរវត្ត តែងតែនាំមុខគេជានិច្ច
ក្លិបបានប្រកាសកាលពីថ្ងៃទី២២ ខែកុម្ភៈថា រដូវកាល Premier League របស់ខ្សែការពារក្រុម Manchester United កីឡាករ Luke Shaw អាចនឹងត្រូវបញ្ចប់ដោយសារតែរបួសសាច់ដុំដែលត្រូវបានគេរំពឹងថា នឹងអវត្តមានគាត់អស់រយៈពេលជាច្រើនខែ។
កីឡាករវ័យ២៨ឆ្នាំរូបនេះបានខកខានរយៈពេល៣ខែក្នុងរដូវកាលនេះដោយសារតែរបួស ហើយបានលេងបានតែ១៥ប្រកួតប៉ុណ្ណោះនៅគ្រប់ការប្រកួតទាំងអស់នោះ បានសម្រាកក្នុងអំឡុងពេលជ័យជម្នះ ២–១ របស់ Man United នៅ Luton Town កាលពីថ្ងៃអាទិត្យ។
ក្លិបបិសាចក្រហមបានប្រកាសថា “ការវាយតម្លៃបន្ថែមទៀតនៅតែត្រូវបានទាមទារដើម្បីកំណត់ពីភាពធ្ងន់ធ្ងរ ប៉ុន្តែយើងរំពឹងថាគាត់នឹងអវត្តមាន២–៣ខែ” ។
របួសរបស់ Shaw គឺជាបញ្ហាដ៏ធំមួយសម្រាប់ Manchester United ដែលឈរនៅលេខរៀងទី៦ ក្នុងលីក និងដេញតាមពីក្រោយក្រុមកំពូលទាំង៤។ របួសនេះក៏អាចប៉ះពាល់ដល់ឱកាសរបស់គាត់ក្នុងការលេងឱ្យក្រុមអង់គ្លេសក្នុងការប្រកួតជើងឯកអឺរ៉ុបនៅឆ្នាំនេះ ៕
ដោយ៖ ភារៈ(រូបភាព ៖ Reuters/CNA)
