នៅថ្ងៃទី ៨ ខែមេសា សូរ្យគ្រាស «ពេញអង្គ» មិនធ្លាប់មាន ជាង២០០ឆ្នាំកន្លងមកនៅអាមេរិក

ចែករំលែក៖

សូរ្យគ្រាស«ពេញអង្គ»នៃឆ្នាំ 2024 ដែលកើតឡើងនៅថ្ងៃទី 8 ខែមេសា ត្រូវបានគេចាត់ទុកថាជាសូរ្យគ្រាសដ៏អស្ចារ្យបំផុតក្នុងរយៈពេលរាប់រយឆ្នាំ។យោងតាមគេហទំព័រ Space.com ប្រជាជនរាប់លាននាក់នៅភាគខាងជើងប្រទេសម៉ិកស៊ិក សហរដ្ឋអាមេរិក និងភាគអាគ្នេយ៍នៃប្រទេសកាណាដានឹងមានឱកាសដើម្បីសង្កេតមើលសូរ្យគ្រាស«ពេញអង្គ»ជាមួយនឹងភាពងងឹតគ្របដណ្តប់លើមេឃ នៅថ្ងៃនៅថ្ងៃទី 8 ខែមេសា។
នេះគឺជាហេតុផលចំនួន៦ ដែលហេតុអ្វីបានជាសូរ្យគ្រាស«ពេញអង្គ»ឆ្នាំ 2024 គឺល្អបំផុតក្នុងរយៈពេលរាប់រយឆ្នាំ និងជាច្រើនឆ្នាំទៅមុខទៀត សូរ្យគ្រាប់មិនកើនមានឡើងនោះឡើយ។
1. វាជាសូរ្យគ្រាសសរុបវែងបំផុតនៅអាមេរិកចាប់តាំងពីឆ្នាំ 1806
ពេលវេលាមើលសូរ្យគ្រាសសរុបនៅក្នុងប្រទេសម៉ិកស៊ិកគឺ 4 នាទី 28 វិនាទី។ នៅព្រំដែនម៉ិកស៊ិក – សហរដ្ឋអាមេរិកពេលវេលាសង្កេតអាចមាន 4 នាទី 26 វិនាទី។ រយៈពេលចុងក្រោយនៃសូរ្យគ្រាសសរុបដ៏យូរបែបនេះបានកើតឡើងនៅអាមេរិកខាងជើងគឺនៅថ្ងៃទី 16 ខែមិថុនា ឆ្នាំ 1806 មានរយៈពេល 4 នាទី និង 55 វិនាទី។
2. កើតឡើងនៅព្រះអាទិត្យអតិបរមា
អ្នកណាក៏ដោយដែលបានឃើញ រង្វងជុំវិញរបស់ព្រះអាទិត្យដោយភ្នែកទទេក្នុងអំឡុងពេលសូរ្យគ្រាសសរុបដឹងថាវាគឺជាការមើលឃើញដ៏អស្ចារ្យបំផុត។ កំឡុងពេលព្រះអាទិត្យអតិបរមា – សកម្មភាពព្រះអាទិត្យខ្ពស់បំផុត ពន្លឺឆព័ន្ធរង្សី នឹងធំជាង ភ្លឺជាង និងមើលទៅដូចជាផ្កាឈូករ័ត្ន។
គ្រាចុងក្រោយនៃសូរ្យគ្រាសសរុបត្រូវបានគេមើលឃើញនៅអាមេរិកខាងជើងស្របពេលជាមួយនឹងអតិបរមានៃព្រះអាទិត្យគឺថ្ងៃទី 26 ខែកុម្ភៈ ឆ្នាំ 1979 នៅពេលដែលសូរ្យគ្រាសសរុបមានរយៈពេល 2 នាទី និង 49 វិនាទី។
3. សូរ្យគ្រាសសរុបងងឹតបំផុតនៅសហរដ្ឋអាមេរិកក្នុងរយៈពេល 217 ឆ្នាំ
សូរ្យគ្រាសកាន់តែយូរ វានឹងកាន់តែងងឹត ភាពងងឹតអាស្រ័យលើទំហំនៃសូរ្យគ្រាស – ផ្នែកនៃអង្កត់ផ្ចិតនៃព្រះអាទិត្យដែលត្រូវបានបាំងដោយព្រះច័ន្ទដែលប៉ះពាល់ដល់ទទឹងនៃផ្លូវសូរ្យគ្រាសសរុប។
4. ផ្កាយដុះកន្ទុយអាចមើលឃើញ
ផ្កាយដុះកន្ទុយ 12P/Pons-Brooks អាចត្រូវបានគេមើលឃើញក្នុងអំឡុងពេលសូរ្យគ្រាសសរុបនៅថ្ងៃទី 8 ខែមេសា។ នៅពេលនោះ ផ្កាយដុះកន្ទុយនេះនឹងមានទីតាំងនៅជិតភពព្រហស្បតិ៍។
ពេលវេលាចុងក្រោយដែលមនុស្សសង្កេតឃើញផ្កាយដុះកន្ទុយក្នុងអំឡុងពេលសូរ្យគ្រាសសរុបគឺនៅថ្ងៃទី 14 ខែធ្នូ ឆ្នាំ 2020 នៅប្រទេសឈីលី និងអាហ្សង់ទីន។
5. អាចមើលឃើញច្រើនបំផុតនៅអាមេរិកខាងជើង
យោងតាមគេហទំព័រ GreatAmericanEclipse.com បានឱ្យដឹងថា មនុស្សប្រហែល 31 លាននាក់រស់នៅក្នុងតំបន់នៃរដ្ឋចំនួន 15 របស់សហរដ្ឋអាមេរិកនៅក្នុងផ្លូវនៃសូរ្យគ្រាសសរុបក្នុងឆ្នាំនេះ។ ដោយបន្ថែមភាគខាងជើងម៉ិកស៊ិក និងកាណាដា ចំនួននេះគឺប្រហែល 40 លាននាក់បើធៀបនឹងប្រហែល 12 លាននាក់ក្នុងអំឡុងពេលសូរ្យគ្រាសសរុបឆ្នាំ 2017 ៕ ដោយ៖ ធីរីណា