សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ស្នងការដ្ឋាននគរបាលខេត្តបាត់ដំបង បានឱ្យដឹងថា នៅស្រុកភ្នំព្រឹក ខេត្តបាត់ដំបង មានប្រជាពលរដ្ឋ បានប្រទះឃើញគ្រាប់យុទ្ធភ័ណ្ឌមិនទាន់ផ្ទុះ បានមករាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកភ្នំព្រឹក ។
ប្រភពដដែលបន្តថា ក្រោយទទួលដំណឹង កាលពីថ្ងៃទី០៣ ខែឧសភាម្សិលមិញនេះ សមត្ថកិច្ចបានចុះត្រួតពិនិត្យប្រទះឃេីញគ្រាប់ចំនួន ២៥៣គ្រាប់ ៖
-គ្រាប់បែកដៃ ចំនួន០៤ គ្រាប់ (ចិន)
-គ្រាប់AK ៤៧ ចំនួន ២២០គ្រាប់
-គ្រាប់ ៦០មីលីម៉ែត្រ ចំនួន ០១គ្រាប់
-គ្រាប់ ៨០មីលីម៉ែត្រ ចំនួន ០១គ្រាប់
-គ្រាប់ ១០០មីលីម៉ែត្រ ចំនួន ០១គ្រាប់
-គ្រាប់១២០ មីលីម៉ែត្រ ចំនួន២៦គ្រាប់ ហើយសមត្ថកិច្ចបានចងខ្សែហ៊ុំព័ន្ធនិងដាក់ស្លាកសញ្ញា រួចរាយការណ៍បន្តជូនមជ្ឈមណ្ឌលសកម្មភាពកំចាត់មីនកម្ពុជា CMAC ដេីម្បីយកទៅកំទេចចោល។
ឆ្លៀតក្នុងឱកាសនោះ នគរបាលស្រុកភ្នំព្រឹក បានអំពាវនាវដល់ប្រជាពលរដ្ឋ ដែលរស់នៅក្នុងមូលដ្ឋានទាំងអស់ សូមអោយមានការប្រុងប្រយ័ត្នខ្ពស់នូវយុទ្ធភ័ណ្ឌមិនទាន់ផ្ទុះ រឺអាវុធខូចគុណភាពផ្សេងៗត្រូវរាយការណ៍ជាបន្ទាន់ ជូនសមត្ថកិច្ចជៀសវាងការកើតមានគ្រោះថ្នាក់ ដោយសារយុទ្ធភ័ណ្ឌនិងអាវុធទាំងនោះជាយថាហេតុ៕
ដោយ៖ តារា
