សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកវរសេនីយ៍ឯក ស៉ឹម ពិសិដ្ឋ អធិការនគរបាលខណ្ឌទួលគោក បានឱ្យដឹងនៅព្រឹកថ្ងៃទី០៧ ខែសីហា ឆ្នាំ២០២៤នេះថា កម្លាំងប៉ុស្តិ៍នគរបាលរដ្ឋបាលបឹងកក់ទី១ នៃអធិការដ្ឋាននគរបាលខណ្ឌទួលគោក កាលពីយប់ថ្ងៃទី០៦ ខែសីហា បានធ្វើការឃាត់ខ្លួនជនសង្ស័យម្នាក់ពីបទលួច(លួចលុយចំនួន២,៧០០,៥៥(ពីរពាន់ប្រាំពីររយនិងហាសិបប្រាំសេន) ប្រព្រឹត្តនៅចំណុចភោជនីយដ្ឋាន ហេឡូវៀតណាម មានទីតាំងផ្ទះលេខ១៧ ផ្លូវលេខ៥៤២ ក្រុមទី២៧ ភូមិ៧ សង្កាត់បឹងកក់ទី១ ខណ្ឌទួលគោក រាជធានីភ្នំពេញ កាលពីថ្ងៃទី០១ ខែសីហា ឆ្នាំ២០២៤ វេលាម៉ោងប្រហែល១៣:០២នាទីរសៀល។
ជនសង្ស័យឈ្មោះ ហ្វាង ធីម៉ីអាង ភេទស្រី អាយុ២២ឆ្នាំ ជនជាតិវៀតណាម មុខរបរ មិនពិតប្រាដ ស្នាក់នៅបន្ទប់ជួលពុំចាំលេខ ផ្លូវលេខ១៩២៨ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ វត្ថុតាងចាប់យកមាន៖ ទូរស័ព្ទដៃម៉ាក I phone11 ពណ៌ស្វាយ ។
ជនរងគ្រោះឈ្មោះ Tram quyet chime ភេទប្រុស អាយុ៣៣ឆ្នាំ ជនជាតិវៀតណាម មុខរបរបើកភោជនីយដ្ឋានលក់ម្ហូប Hello Vietnam ស្នាក់នៅឌឺផាតឌឺម៉ែនParamount ផ្លូវលេខ៣៧១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
បច្ចុប្បន្ន៖ ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីកសាងសំណុំរឿងតាមនីតិវិធី៕
ដោយ៖ តារា
