សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ម៉ូតូ២គ្រឿងបានជិះបោះពួយក្នុងទិសបញ្រ្ចាសគ្នាហើយជ្រុលទៅបុកគ្នាយ៉ាងពេញទំហឹងបណ្តាលឱ្យរងរបួសធ្ងន់និងស្រាល២នាក់ ។
ហេតុការណ៍នេះបានកេីតឡេីងនៅវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៧ ខែសីហា ឆ្នាំ២០២៤ នៅទល់មុខហាងម្លប់ស្វាយលាក់ខ្លួន ផ្លូវលេខ១៧៣កែងផ្លូវលេខ៣៧៤ក្នុងសង្កាត់ទួលស្វាយព្រៃទី១ ខណ្ឌចំការមន។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកេីតហេតុ គេបានឃើញបុរសម្នាក់ជិះម៉ូតូម៉ាកហុងដាវ៉េវ ពណ៌ខ្មៅ ពាក់ស្លាកលេខ ភ្នំពេញ 1KR -3960 តាមបណ្ដោយផ្លូវលេខ១៧៣ក្នុងទិសដៅពីជេីងទៅត្បូងដោយល្បឿនលឿន លុះមកដល់ចំណុចកេីតហេតុក៏ស្រាប់តែមានបុរសម្នាក់ទៀតដែលជាអ្នកដឹកជញ្ជូនម្ហូបអាហាររបស់ក្រុមហ៊ុនeget បានជិះម៉ូតូម៉ាកស៊ុយហ្ស៊ុយគីនិច ពណ៌ទឹកក្រូចលាយស ពាក់ស្លាកលេខ ភ្នំពេញ 1IO-6919 ដោយជិះបោះពួយតាមបណ្ដោយផ្លូវលេខ១៧៣បញ្ច្រាសទិសគ្នា ពីត្បូងទៅជើងក្នុងល្បឿនលឿនហេីយខ្វះការប្រុងប្រយ័ត្នដូចគ្នាក៍ជ្រុលទៅបុកម៉ូតូ ហុងដាវ៉េវយ៉ាងពេញទំហឹងបណ្តាលឱ្យម៉ូតូខ្ទេចរួញស្រុញមួយកំណាត់មុខ ព្រមទាំងធ្វើអោយមនុស្សសន្លប់ស្ដូកស្ដឹងបាត់ស្មារតីត្រូវបានដឹកតាមរថយន្តសាមុយយកទៅសង្គ្រោះនៅមន្ទីរពេទ្យរុស្ស៊ីភ្លាមៗ ។
ដោយឡែកខាងម៉ូតូហុងដាវ៉េវ រងការខូចខាតខ្ទេចផែ្នកខាងមុខ ព្រមទាំងធ្វើអោយមនុស្សអ្នកបើកបររងរបួសតិចតួចមិនបានទៅមន្ទីរពេទ្យនោះទេ តែត្រូវបានសមត្ថកិច្ចយកទៅអធិការដ្ឋានខណ្ឌបឹងកេងកងដេីម្បីសួរនាំ ។
ក្រោយពេលកេីតហេតុ នៅសល់តែម៉ូតូទាំង២គ្រឿងរងការខូចខាតត្រូវសមត្ថកិច្ចជំនាញធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌបឹងកេងកងដេីម្បីរង់ចាំដំណោះស្រាយ ៕
ដោយ៖សុខាសែនជ័យ
