សារព័ត៌មាន នគរវត្ត តែងតែនាំមុខគេជានិច្ច
ការចាប់ឆ្នោត Champions League រូបរាងថ្មីនឹងធ្វើឡើងនៅថ្ងៃរាត្រីថ្ងៃសុក្រ ទី២៩ សីហានេះ។ ក្រុម ចំនួន៨ដែលពួកគេនឹងជួបក្រុមចំនួន៤នៅផ្ទះ និង៤ក្រុមនៅក្រៅផ្ទះ ប៉ុន្តែមិនមានក្រុមពិតប្រាកដណាមួយនឹងត្រូវបានដឹងថា ត្រូវចាប់ប៉ះគ្នានោះទេ។ ក្រុមទាំងអស់នឹងស្ថិតក្នុងដំណាក់កាលលីកក្នុង៣៦ក្រុមតែមួយ បើប្រៀបធៀបទៅនឹងទម្រង់មុនដែលមាន៤ក្រុម។
ដូច្នេះតើការចាប់ឆ្នោតនឹងដំណើរការយ៉ាងដូចម្តេច? ក្រុមនឹងត្រូវដាក់ក្នុង Pot ចំនួន៤តាមចំណាត់ថ្នាក់របស់ក្រុមនីមួយៗ។ ក្រុមនីមួយៗត្រូវប្រឈមមុខនឹងក្រុមចំនួន២ពីក្រុមផ្សេង ដោយមួយ១នៅក្នុងទឹកដី និង១ក្រុមនៅក្រៅទឹកដី។
ក្រុមមួយនឹងត្រូវបានដកចេញពីគ្រុបមួយ ហើយបន្ទាប់មកកម្មវិធីរបស់ Uefa នឹងសម្រេចគូប្រជែង៨ក្រុមរបស់ពួកគេ ហើយថា តើពួកគេនឹងនៅក្នុងទឹកដី ឬនៅក្រៅទឹកដី។ មានន័យថា ការប្រកួតកាន់តែច្រើនរវាងក្រុមធំជាងគេ។ ឧទាហរណ៍ Manchester City អាចប្រឈមមុខជាមួយ Real Madrid, Bayern Munich និង Barcelona។
កម្មវិធីនេះបញ្ឈប់ក្រុមដែលលេងគូប្រជែងមកពីប្រទេសរបស់ពួកគេ ហើយមានន័យថា ក្រុមនីមួយៗអាចលេងបានប៉ះតែ២ក្លិបប៉ុណ្ណោះពីប្រទេសណាមួយ។ Uefa បានឲ្យដឹងថា ប្រព័ន្ធគ្រោងទុកនៅខាងមុខ ដូច្នេះនឹងធានាថា គ្មានក្រុមណាដែលជាប់ពាក់ព័ន្ធជាមួយក្រុមដែលពួកគេមិនអាចប្រឈមមុខបានទេ។
ក្រុមដែលបញ្ចប់ក្នុងចំណាត់ថ្នាក់កំពូលទាំង៨នឹងមានលក្ខណៈគ្រប់គ្រាន់ដោយស្វ័យប្រវត្តិសម្រាប់វគ្គ៦ក្រុមចុងក្រោយ ខណៈដែលក្រុមដែលស្ថិតនៅចំណាត់ថ្នាក់លេខ៩ដល់ទី២៤នឹងប្រកួតប្រជែងក្នុងវគ្គជម្រុះ២ជើងក្នុងវគ្គ Play-off ដើម្បីមានឱកាសចូលរួមជាមួយក្រុមដែលឡើងដោយស្វ័យប្រវត្តិនោះ។ ក្រុមដែលបញ្ចប់ក្នុងចំណាត់ថ្នាក់លេខ២៥ ឬទាបជាងនឹងត្រូវកាត់ចេញ ហើយនឹងមិនបានចូលទៅក្នុង Europa League ឡើយ។
ចាប់ពីវគ្គ១៦ក្រុមចុងក្រោយ Champion League នឹងបន្តធ្វើតាមទម្រង់ដែលមានស្រាប់របស់ខ្លួនជាមួយនឹងការប្រកួតចុងក្រោយនៅទីលានអព្យាក្រឹត នាទីក្រុង Munich នៅឆ្នាំនេះ។ ចំនួននៃការប្រកួតក្នុងទម្រង់ថ្មីនឹងកើនឡើងពី១២៥ទៅ១៨៩ ខណៈដែលក្រុមនីមួយៗនឹងលេងយ៉ាងតិច៨។ ដំណាក់កាលលីកនឹងដំណើរការរហូតដល់ចុងខែមករា ជំនួសឱ្យការបញ្ចប់មុនបុណ្យណូអែល។ ខាងក្រោមនេះគឺជាក្រុមកំពូលៗដែលមានលក្ខណៈគ្រប់គ្រាន់ដោយស្វ័យប្រវត្តិក្នុងការប្រកួតវគ្គចែកពូល៖
លីកកំពូលអង់គ្លេស៖ Man City, Arsenal, Liverpool, Aston Villa
លីកកំពូលអេស្ប៉ាញ៖ Real Madrid, Barcelona, Girona, Atletico Madrid
លីកកំពូលអ៊ីតាលី៖ Inter Milan, AC Milan, Juventus, Atalanta, Bologna
លីកកំពូលអាល្លឺម៉ង់៖ Bayer Leverkusen, Stuttgart, Bayern Munich, RB Leipzig, Borussia Dortmund
លីកកំពូលបារាំង៖ Paris St-Germain, Monaco, Brest
លីកកំពូលហូឡង់៖ PSV Eindhoven, Feyenoord
លីកកំពូលព័រទុយហ្គាល់៖ Sporting Lisbon, Benfica
លីកកំពូលបែលហ្សិក៖ Club Bruges
លីកកំពូលស្កុតឡេន៖ សេលទិក
លីកកំពូលអូទ្រីស៖ Sturm Graz, Salzburg
លីកកំពូលអ៊ុយក្រែន៖ Shakhtar Donetsk
លីកកំពូលស្វីស៖ Young Boys
លីកកំពូលឆេក៖ Sparta Prague ៕
ដោយ៖ ភារៈ (រូបភាព ៖ BBC Sport)
