សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន និងយុវតីគ្រប់រូបគួរជៀសឱ្យឆ្ងាយពីគ្រឿងញៀន ព្រោះគ្រឿងញៀនបំផ្លាញអនាគតអ្នក និងក្រុមគ្រួសារអ្នក! ដូច្នេះសូមឆ្លើយថាទេចំពោះគ្រឿងញៀន! ខណៈកម្លាំងសមត្ថកិច្ចជំនាញនៅទូទាំងប្រទេសកម្ពុជា បានចុះស្រាវជ្រាវបង្រ្កាប និងឃាត់ខ្លួន ជនសង្ស័យចំនួន ៣២នាក់ (ស្រី ១នាក់) ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១៦ករណី ទូទាំងប្រទេសនៅថ្ងៃទី០៣ ខែកញ្ញា ឆ្នាំ២០២៤ ។
ក្នុងចំណោមជនសង្ស័យចំនួន ៣២នាក់ រួមមាន៖ ជួញដូរ ៣ករណី ឃាត់ ៧នាក់(ស្រី ០នាក់)។ ដឹកជញ្ជូន រក្សាទុក ៩ករណី ឃាត់ ១២នាក់(ស្រី ០នាក់), ប្រើប្រាស់ ៤ករណី ឃាត់ ១៣នាក់(ស្រី ១នាក់)។
វត្ថុតាងដែលចាប់យកសរុបក្នុងថ្ងៃទី០៣ ខែកញ្ញា រួមមាន៖ មេតំហ្វេតាមីន ម៉ាកទឹកកក(Ice) ស្មេីនិង ២៦៩,៦៨ក្រាម។ អុិចស្តាសុី(mdma) ស្មេីនិង ២៥,៥៨ក្រាម។ នីមេតាហ្សាប៉ាម(N-Zapam )ស្មេីនិង៤០០,៨០ក្រាម។ និងគីមីផ្សំ ស្មេីនិង ១៧,០២ក្រាម។
ក្នុងប្រតិបត្តិការនោះជាលទ្ធផលខាងលើ ១០អង្គភាពបានចូលរួមបង្ក្រាប កម្លាំង៖
កម្លាំងនគរបាលជាតិ ៨អង្គភាព
*១ / មន្ទីរ៖ ជួញដូរ ១ករណី ឃាត់ ២នាក់ ចាប់យកIce ២២៨,៨៤ក្រាម, MDMA ២៥,៥៨ក្រាម, N-zapam ៤០០,៨០ក្រាម និងគីមីផ្សំ ១៧,០២ក្រាម។
*២ / បាត់ដំបង៖ រក្សាទុក ១ករណី ឃាត់ ១នាក់ ចាប់យកIce ០,១២ក្រាម។
*៣ / កំពង់ឆ្នាំង៖ រក្សាទុក ២ករណី ឃាត់ ៣នាក់ ចាប់យកIce ៤,១៤ក្រាម។
*៤ / កំពង់ធំ៖ រក្សាទុក ២ករណី ឃាត់ ៤នាក់ ប្រើប្រាស់ ១ករណី ឃាត់ ១នាក់ ចាប់យកIce ១,១១ក្រាម។
*៥ / កំពត៖ រក្សាទុក ១ករណី ឃាត់ ១នាក់ ចាប់យកIce ០,៣៨ក្រាម។
*៦ / មណ្ឌលគីរី៖ ប្រើប្រាស់ ១ករណី ឃាត់ ៣នាក់ ស្រី ១នាក់។
*៧ / រាជធានីភ្នំពេញ៖ ជួញដូរ ១ករណី ឃាត់ ៤នាក់ រក្សាទុក ១ករណី ឃាត់ ១នាក់ ប្រើប្រាស់ ១ករណី ឃាត់ ១នាក់ ចាប់យកIce ១៣,០៨ក្រាម។
*៨ / សៀមរាប៖ រក្សាទុក ១ករណី ឃាត់ ១នាក់ ប្រើប្រាស់ ១ករណី ឃាត់ ៧នាក់ ចាប់យកIce ១,២៨ក្រាម។
ដោយឡែកកងរាជអាវុធហត្ថខេត្ត ២អង្គភាព
*១ / កំពង់ចាម៖ រក្សាទុក ១ករណី ឃាត់ ១នាក់ ចាប់យកIce ២,៨២ក្រាម។
*២ / តាកែវ៖ ជួញដូរ ១ករណី ឃាត់ ១នាក់ ចាប់យកIce ១៧,៩១ក្រាម៕
ដោយ៖ តារា
