សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ បេីតាមការបញ្ជាក់ពីមន្រ្តីជំនាញអធិការនគរបាលស្រុកបសេដ្ឋ នៃស្នងការដ្ឋាននគរបាលខេត្តកំពង់ស្ពឺ បានឱ្យដឹងថា ក្មេងទំនើងម្នាក់ បានធ្វេីសកម្មភាពបង្ហោះម៉ូតូតាមផ្លូវសាធារណៈ បង្កការភ្ញាក់ផ្អេីលប៉ះពាល់ដល់សណ្ដាប់ធ្នាប់សង្គម និងអាចបង្កហានិភ័យដល់អ្នកដំណេីរដទៃផ្សេងទៀត ត្រូវបានឃាត់កាលពីវេលាម៉ោង ៨ និង៣០នាទីយប់ថ្ងៃទី០៦ ខែកញ្ញា ឆ្នាំ២០២៤ នៅចំណុចផ្លូវជាតិលេខ៣ ស្ថិតក្នុងភូមិព្រៃពាយ ឃុំទួលអំពិល ស្រុកបសេដ្ឋ ខេត្តកំពង់ស្ពឺ ។
ក្មេងទំនើងមានឈ្មោះ លន ផាលិ ភេទប្រុស អាយុ២១ឆ្នាំ មុខរបរធ្វើការរោងចក្រ រស់នៅភូមិព្រៃជ្រលួជ ឃុំក្រាំងលាវ ស្រុកបាទី ខេត្តតាកែវ មធ្យោបាយម៉ូតូម៉ាកហុងដា C125 ពណ៌ខ្មៅ សេរីឆ្នាំ២០២៤ ស្លាកលេខតាកែវ 1AD 9223 បាននាំយកមកអធិការដ្ឋានស្រុកបសេដ្ឋ យោងតាមការផ្ដល់ចម្លើយថាខ្លួនពិតជាបានធ្វើសកម្មភាពជិះបង្ហោះម៉ូតូតាមផ្លូវ ប្រាកដមែន ។
បច្ចុប្បន្នសមត្ថកិច្ចនគរបាលបានធ្វេីការអប់រំកិច្ចសន្យា ប្រគល់ជូនអាណាព្យាបាលដេីម្បីគ្រប់គ្រងបន្ដ ពលកម្មធ្វើអនាម័យ ៤៨ម៉ោង ដោយរក្សាមធ្យោបាយម៉ូតូទុកនៅ អធិការដ្ឋាននគរបាលស្រុកបសេដ្ឋ គ្រប់កំណត់រយៈពេល ៩០ថៃ្ង ៕
ដោយ៖ តារា
