សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ និងជាប្រធានក្រុម Kylian Mbappe ត្រូវបានដកចេញពីក្រុមជម្រើសជាតិបារាំងសម្រាប់ការប្រកួត Uefa Nations League នាពេលខាងមុខ បើទោះជាត្រលប់មកពីរបួសក្នុងសប្ដាហ៍នេះក៏ដោយ។ ខ្សែប្រយុទ្ធរបស់ Real Madrid បានខកខានការប្រកួតស្មើ ១-១ ជាមួយ Atletico Madrid កាលពីថ្ងៃអាទិត្យជាមួយនឹងរបួសភ្លៅ ប៉ុន្តែបានចេញពីកៅអីបម្រុងក្នុងអំឡុងពេលប្រកួតដ៏គួរឱ្យភ្ញាក់ផ្អើល ក្នុងលទ្ធផ ១-០ ចាញ់ក្រុម Lille ក្នុងក្របខ័ណ្ឌ Champions League កាលពីថ្ងៃពុធ។
ទោះបីជាបានធូរស្បើយពីបញ្ហានេះក៏ដោយ គ្រូបង្វឹកសញ្ជាតិបារាំងលោក Didier Deschamps មិនបានជ្រើសរើសកីឡាករវ័យ២៥ឆ្នាំរូបនេះសម្រាប់ការប្រកួតជាមួយអ៊ីស្រាអែល និងបែលហ្សិកឡើយ។
លោក Deschamps បានប្រាប់អ្នកយកព័ត៌មាននៅទីក្រុងប៉ារីសថា “ខ្ញុំមានការផ្លាស់ប្តូរជាមួយ Kylian គាត់មានបញ្ហាដែលមិនធ្ងន់ធ្ងរនោះទេ”។
Mbappe បានស៊ុតបញ្ចូលទីបាន៧គ្រាប់ក្នុងការបង្ហាញខ្លួន១០ប្រកួតចាប់តាំងពីចូលរួមជាមួយ Real Madrid នៅរដូវក្តៅ។ អវត្តមានគួរឱ្យកត់សម្គាល់មួយទៀតគឺ Antoine Griezmann ដែលបានប្រកាសចូលនិវត្តន៍ពីបាល់ទាត់អន្តរជាតិកាលពីថ្ងៃចន្ទ។
Deschamps បាននិយាយអំពីការបាត់បង់ Griezmann ដែលបានចូលនិវត្តន៍អាយុ៣៣ឆ្នាំបន្ទាប់ពីបង្ហាញខ្លួន១៣៧ប្រកួតថា “គាត់មានផលប៉ះពាល់ដែលយើងមិនអាចលេងតាមរបៀបដូចគ្នា។ ខ្ញុំមិនចាំបាច់ផ្លាស់ប្តូរប្រព័ន្ធទេ ប៉ុន្តែខ្ញុំនឹងមិនស្វែងរកកីឡាករដែលមានតម្លៃស្មើ”។
ខ្សែប្រយុទ្ធ Christopher Nkunku របស់ Chelsea ដែលបានឈ្នះពានចំនួន១០លើកចុងក្រោយរបស់គាត់កាលពីខែមិថុនាឆ្នាំមុន ត្រលប់មកក្រុមវិញ ខណៈដែលខ្សែបម្រើ N’Golo Kante អវត្តមាន។
បារាំងនឹងប្រកួតក្រៅដីទល់នឹងអ៊ីស្រាអែលនៅថ្ងៃព្រហស្បតិ៍ ទី១០ ខែតុលា នៅទីក្រុង Budapest ដោយសារតែក្តីបារម្ភផ្នែកសន្តិសុខនៅមជ្ឈិមបូព៌ា។ បន្ទាប់មកក្រុមបារាំងនឹងត្រូវប៉ះបែលហ្សិកក្នុងទីក្រុង Brussels នៅថ្ងៃចន្ទ ទី១៤ ខែតុលា។
បច្ចុប្បន្នបារាំងកំពុងឈរលេខ២ក្នុងពូល២នៃក្របខ័ណ្ឌ League A មាន៣ពិន្ទុបន្ទាប់ពីប្រកួត២លើក ខណៈអ៊ីតាលីឈរកំពូលតារាងមាន៦ពិន្ទុ។ ខាងក្រោមនេះគឺជាបញ្ជីឈ្មោះកីឡាករបារាំងត្រៀមប្រកួត Nations League ខាងមុខ ៖
អ្នកចាំទី ៖ Alphonse Areola (West Ham United), Mike Maignan (AC Milan), Brice Samba (Lens)។
ខ្សែការពារ ៖ Jonathan Clauss (Nice), Lucas Digne (Aston Villa), Wesley Fofana (Chelsea), Theo Hernandez (AC Milan), Ibrahima Konate (Liverpool), Jules Kounde (Barcelona), William Saliba (Arsenal), Dayot Upamecano (Bayern Munich)។
ខ្សែបម្រើ ៖ Eduardo Camavinga (Real Madrid), Youssouf Fofana (AC Milan), Matteo Guendouzi (Lazio), Manu Kone (Roma), Aurelien Tchouameni (Real Madrid), Warren Zaire-Emery (Paris St-Germain)។
ខ្សែប្រយុទ្ធ ៖ Bradley Barcola, Ousmane Dembele, Randal Kolo Muani (all Paris Saint-Germain), Christopher Nkunku (Chelsea), Michael Olise (Bayern Munich), Marcus Thuram (Inter Milan)៕
ដោយ៖ ភារៈ (រូបភាព ៖ Reuters/CNA)
