សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីម្នាក់បេីករថយន្តtoyota prusខ្វះការប្រុងប្រយ័ត្នក៏ជ្រុលទៅបុកនិងរថយន្តford raptors ហើយខ្ទាតទៅប៉ះនឹងរថយន្តlexus មួយគ្រឿងទៀតរងការខូចខាត ។
ហេតុការណ៍នេះដែរបានកើតឡើងនៅវេលាម៉ោង៨យប់ថ្ងៃទី២០ខែតុលាឆ្នាំ២០២៤ចំណុចម្តុំវត្តមហាមន្ត្រីផ្លូវ១៦៣កែងផ្លូវព្រះសីហនុ សង្កាត់អូរឡាំពិក ខណ្ឌបឹងកេងកង ។
តាមប្រភពព័ត៌មាន ពីកន្លែងកើតហេតុបានឲ្យដឹងថា មុនពេលកេីតហេតុ គេបានឃើញនារីម្នាក់បានបេីករថយន្តម៉ាកtoyota prus ពណ៌ស ពាក់ស្លាកលេខ ភ្នំពេញ 2BB 9052 ទេីបនិងទិញបានបេីកធ្វើដំណើរតាមបណ្ដោយផ្លូវ១៦៣ទិសដៅពី ជើងទៅត្បូង លុះមកដល់ចំណុចកេីតហេតុ ស្រាប់តែរថយន្តស្ទុះរេចង្កូតជ្រុលទៅបុកនិងរថយន្ត fordraptors ពណ៌ខ្មៅ ពាក់ស្លាកលេខ ភ្នំពេញ 2BD 0927 ដែលបេីកដោយបុរសម្នាក់ក្នុងទិសដៅបញ្ច្រាសគ្នា បណ្តាលឲ្យរងការខូចខាតផ្នែកខាងមុខយ៉ាងខាងស្ដាំ ហើយភ្លាមៗនោះរថយន្តtoyota prusបានខ្ទាតទៅប៉ះនឹងរថយន្តlexusCT200hមួយគ្រឿងបណ្តាលអោយរថយន្តlexusខូចខាតផ្នែកខាងក្រោយចំហៀងឆ្វេងតិចតួច ចំណែករថយន្តtoyota prus រងការខូចខាតផ្នែកខាងមុខ តែសំណាងល្អក្នុងហេតុការណ៍នេះមិនគ្រោះថ្នាក់ដល់មនុស្សដែលក្នុងរថយន្តទាំងអស់ ។
ក្នុងករណីនេះផងដែរ ម្ចាស់រថយន្តlexus រងការខូចខាតតិចតួចមិនចង់មានរឿងវែងឆ្ងាយក៏បេីកចេញទៅបាត់ទៅ ។
ក្រោយកេីតហេតុនៅសល់តែរថយន្តពីរគ្រឿងនៅដោះស្រាយគ្នាដោយខាងរថយន្តtoyota prus សងសំណងទៅខាងរថយន្ត ford raptors ចំនួន២០០ដុល្លារដើម្បីបញ្ចប់រឿង ៕
ដោយ៖សុខាសែនជ័យ
