សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អតីតមន្ត្រីយោធាម្នាក់បានលោតសម្លាប់ខ្លួន លើផ្ទះជាន់ទី៣បណ្ដាលឱ្យបោកក្បាលស្លាប់ភ្លាមៗ បង្កឲ្យមានការភ្ញាក់ផ្អើលនៅវេលាម៉ោង៥ ទាបភ្លឺថ្ងៃទី៣១ ខែតុលា ឆ្នាំ២០២៤ នៅតាមផ្លូវបេតុង ភូមិដំណាក់ សង្កាត់គោកឃ្លាង ខណ្ឌសែនសុខ ។
សពបុរសដែលបានលោតសម្លាប់ខ្លនខាងលើនេះមានឈ្មោះ សំ ឈន អាយុ៤២ឆ្នាំ ស្នាក់ភូមិដំណាក់ សង្កាត់គោកឃ្លាង ខណ្ឌសែនសុខ ។
យោងតាមប្រភពព័ត៌មានពីក្រុមគ្រួសារនៃសពបុរសខាងលើបានបង្ហើបឲ្យដឹងថា ជនរងគ្រោះខាងលើនេះអតីតជាមន្ត្រីយោធា. តែដោយសារគាត់មានជំងឺរប្រចាំកាយទើបឈប់សម្រាក់ពីការងារ. ហើយកន្លងមករូបគាត់បានប៉ុនប៉ងលោតសម្លាប់ខ្លួនចំនួន២លើកមកហើយ តែត្រូវបានក្រុមគ្រួសារដឹកយកទៅសង្រ្គោះនៅឯមន្ទីរទើបតែដើរបានវិញរយះពេលជាង២ខែ លុះមកដល់ថ្ងៃកើតហេតុខាងលើរូបគាត់បានឡើងលើតំបូលផ្ទះល្វែងខាងលើកំពស់ប្រហែលជាង១០ម៉ែត្រ លោតទំម្លាក់ខ្លួនមកខាងក្រោមបណ្ដាលអោយបែកក្បាលស្លាប់។
ក្រោយពេលកើតហេតុសមត្ថកិច្ចមូលដ្ឋាននិងកម្លាំងជំនាញនគរបាលខណ្ឌសែនសុខ សហការណ៍ជាមួយកម្លាំងការិយាល័យបច្ចេកទេសនិងកោសល្យវិច័យនៃស្នងការដ្ឋាននគរបាលរាជធានីភ្នំពេញបានចុះមកពិនិត្យសពនៅទីតាំងកើតហេតុខាងលើ ដោយសមត្ថកិច្ចជំនាញបានបញ្ជាក់ឲ្យដឹងថា សពបុរសខាងលើនេះពិតជាបានធ្វើអត្តឃាតលោតសម្លាប់ខ្លួនឯងពិតប្រាកដមែន ហើយសមត្ថកិច្ចបានធ្វើកំណត់ហេតុប្រគល់សពទៅឲ្យក្រុមគ្រួសារសាច់ញាតិចាត់ចែងធ្វើបុណ្យតាមប្រពៃណី៕
ដោយ ៖ ភារ៉ា ដង្កោ
