🔥មានករណីអគ្គិភ័យមួយ កន្លែងកើតឡើងនៅចំណុចយានដ្ឋានជួសជុលរថយន្ត អិម អេក

ភ្នំពេញ ៖ ស្នងការនគរបាលរាជធានីភ្នំពេញ បានឱ្យដឹងថា ៖ នៅវេលាម៉ោង៤:៤០នាទីល្ងាច ថ្ងៃទី៣១ ខែតុលា ឆ្នាំ២០២៤ មានករណីអគ្គិភ័យមួយ កន្លែងកើតឡើងនៅចំណុចយានដ្ឋានជួសជុលរថយន្ត អិម អេក ផ្លូវ១៨០០ ភូមិខ១ ក្រុមទី៨ សង្កាត់ច្រាំងចំរេះទី២ ខណ្ឌឫស្សីកែវ ។

សមត្ថកិច្ចបានឱ្យដឹងថា ៖ ហេតុការណ៍ អគ្គិភ័យឆាបឆេះនេះ សមត្ថកិច្ចកំពុងស្រាវជ្រាវ។ អគ្គិភ័យនេះធ្វើឱ្យឆេះយានដ្ឋានជួសជុលរថយន្ត ដែកប្រក់ស័ង្កសី ទំហំ ០៤ម៉ែត្រ x  ១៥ម៉ែត្រ ក្នុងនោះខូចខាចរថយន្តកូរ៉ូឡាផ្លាកលេខភ្នំពេញ 2C-0060 អស់ទាំងស្រុង ហើយពុំបានរាលដាលដល់អ្នកក្បែរខាងឡើយ។

នៅវេលាម៉ោង៥:០០នាទីល្ងាច ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ អគ្គិភ័យ : ចំនួន ០២គ្រឿង ប្រេីប្រាស់ទឹកអស់ចំនួន ០១ឡាន ស្មើរនឹង ០៨ម៉ែត្រគូប៕

ដោយ ៖ សិលា