សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្លែងបញ្ជាក់នៅព្រឹកថ្ងៃសុក្រទី០១ ខែវិច្ឆិកា ឆ្នាំ២០២៤នេះថា៖ ម៉ោង១១យប់ថ្ងៃទី៣១ ខែតុលា ឆ្នាំ២០២៤ ចៅ ណន សុខហេង បានវិលត្រឡប់ទៅដល់ភូមិកំណើតជួបជុំប្រពន្ធកូននិង ក្រុមគ្រួសារវិញហេីយ ក្រោមការរៀបចំរបស់លោក ជួន ណារិន អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ។
ជាមួយគ្នានេះ សម្ដេចតេជោ ហ៊ុន សែន សូមអរគុណគ្រប់តួអង្គពាក់ពន្ធដែលបានចូលរួមដោះស្រាយរឿងនេះពិសេសអរគុណចំពោះបងប្អូនដែលលេងបណ្តាញសង្គមជួយផ្តល់ដំណឹងដល់ខ្ញុំដែលធ្វើឲ្យរឿងនេះដោះស្រាយបានតិចជាង២០ម៉ោង។
បន្ថែមពីនេះ សម្ដេចតេជោ ក៏បានជូនពរ ចៅ ណន សុខហេង និងក្រុមគ្រួសារជួបតែសេចក្តីសុខសេចក្តីចម្រើន៕
ដោយ៖ តារា
