សារព័ត៌មាន នគរវត្ត តែងតែនាំមុខគេជានិច្ច
ការប្រកួតរបស់ក្រុមម្ចាស់ជើងឯក La Liga អធិរាជស Real Madrid ទល់នឹង Valencia ដែលគ្រោងធ្វើនៅថ្ងៃសៅរ៍នេះ ត្រូវបានពន្យារពេល បន្ទាប់ពីទឹកជំនន់ដ៏ខ្លាំងក្លាបានវាយប្រកាសនៅក្នុងប្រទេសអេស្ប៉ាញបណ្តាលឲ្យខូចខាងហេដ្ឋារចនាសម្ព័ន្ធជាច្រើន។
សហព័ន្ធកីឡាបាល់ទាត់អេស្ប៉ាញ (RFEF) បានពន្យារពេលការប្រកួតទាំងអស់នៅក្នុងតំបន់ Valencia ដែលយ៉ាងហោចណាស់មនុស្ស៩៥នាក់បានស្លាប់ និងរាប់សិបនាក់ទៀតកំពុងបាត់ខ្លួន បន្ទាប់ពីភ្លៀងធ្លាក់ខ្លាំង។
កាលពីថ្ងៃព្រហស្បតិ៍ក្លិប Real Madrid និងកាកបាទក្រហមបានបរិច្ចាគ១លានដុល្លារដើម្បីគាំទ្រដល់អ្នកដែលរងផលប៉ះពាល់ដោយទឹកជំនន់។
ក្លិប Real Madrid បានប្រកាសនៅក្នុងសេចក្តីថ្លែងការណ៍មួយថា “ការបរិច្ចាគនេះនឹងឆ្ពោះទៅរកការជួយដល់គ្រួសារជាច្រើនដែលកំពុងប្រឈមមុខនឹងស្ថានភាពធ្ងន់ធ្ងរ ហើយអ្នកដែលត្រូវការជំនួយ និងសាមគ្គីភាពរបស់យើងទាំងអស់”។
ចំណែកជំនួប La Liga របស់ Villarreal ជាមួយ Rayo Vallecano ក៏ត្រូវបានលុបចោលផងដែរ រួមជាមួយនឹងការប្រកួតចំនួន៣នៅលីកទី២ Castellon ប៉ះ RC Ferrol, CD Eldense ប៉ះ SD Huesca និងដំណើរទស្សនកិច្ចរបស់ Malaga ទៅ Levante ក៏ត្រូវពន្យារពេលផងដែរ។
នៅក្នុង Liga F ដែលជាការប្រកួតកំពូលរបស់ស្ត្រី ការប្រកួតរបស់ Valencia ទល់នឹង Deportivo La Coruna និង Real Madrid ប៉ះ Levante គឺស្ថិតក្នុងចំណោមការប្រកួតដែលត្រូវបានពន្យារពេល។
RFEF បានទទួលសំណើពី La Liga, Liga F និងក្លិបខ្លួនឯងដើម្បីពន្យារពេលការប្រកួតអាជីពទាំងអស់នៅក្នុងតំបន់បន្ទាប់ពីទឹកជំនន់ភ្លាមៗ។ ចំណែកការប្រកួត Copa del Rey ជាច្រើន រួមទាំងការធ្វើដំណើររបស់ Valencia ទៅកាន់ Parla Escuela ត្រូវបានកំណត់ពេលរួចហើយ។
RFEF បានប្រកាសថា ភាពស្ងៀមស្ងាត់មួយនាទីនឹងត្រូវបានគេធ្វើក្នុងអំឡុងពេលការប្រកួតចុងសប្តាហ៍ដើម្បីបង្ហាញពីសាមគ្គីភាពរបស់កីឡាបាល់ទាត់អេស្ប៉ាញសម្រាប់អ្នកដែលរងផលប៉ះពាល់ ជាពិសេសសាច់ញាតិរបស់អ្នកដែលបានស្លាប់នៅក្នុងគ្រោះធម្មជាតិ ៕
ដោយ៖ ភារៈ(រូបភាព ៖ BBC)
