សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៦នាក់ត្រូវបានកម្លាំងនគរបាលខណ្ឌពោធិ៍សែនជ័យសហការជាមួយរដ្ឋបាលសង្កាត់ចោមចៅទី៣ ឃាត់ខ្លួនពាក់ព័ន្ធការប្រេីប្រាស់គ្រឿងញៀន។
ប្រតិបត្តិការនេះបានធ្វេីឡេីងកាលពីរសៀលថ្ងៃទី៦ ខែវិច្ឆិកា ឆ្នាំ២០២៤ នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
សមត្ថកិច្ចបានឱ្យដឹងថា ដេីម្បីរក្សាសុវត្តិភាពជូនប្រជាពលរដ្ឋក្នុងមូលដ្ឋាន និងទប់ស្កាត់បទល្មេីសផ្សេងៗ កម្លាំងនគរបាលនៃអធិការដ្ឋាននគរបាលខណ្ឌពោធិ៍សែនជ័យ បានសហការជាមួយរដ្ឋបាលសង្កាត់ចោមចៅទី៣ ចុះរដ្ឋបាលតាមបន្ទប់ជួលដែលជាតំបន់ស្មុគស្មាញ ។
សមត្តកិច្ចបានបន្តថា ក្នុងរង្វង់ប្រតិបត្តិការខាងលេីសមត្តកិច្ចធ្វេីការឃាត់ខ្លួនជនសង្ស័យចំនួន៦នាក់ក្នុងនោះមានស្រី២នាក់ រួមទាំងវត្ថុតាងមួយចំនួន ថ្នាំញៀន និងឧបករណ៍ប្រេីប្រាស់ថ្នាំញៀន។
ក្រោយឃាត់ខ្លួនជនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមនីតិវិធី៕
ដោយ៖សុខាសែនជ័យ
