🔥សង្ស័យ ឆ្លងចរន្តអគ្គិសនី ឆេះផ្ទះល្វែងផ្សារអន្តរជាតិ សំណាងមិនមានអ្នករងរបួស

ខេត្តស្វាយរៀង៖ មានការភ្ញាក់ផ្អើល ដល់អ្នកភូមិនិងម្ចាស់ផ្ទះ និងអ្នកធ្វើដំណើររាយការណ៍មកសមត្ថកិច្ចមូលដ្ឋានមកអន្តរាគមន៍ ដោយយករថយន្តពន្លត់អគ្គិភ័យ មកបាញ់ពន្លត់ ទាន់ពេល សង្ស័យ ឆ្លងចរន្តអគ្គិសនី ឆេះផ្ទះល្វែងផ្សារអន្តរជាតិ សំណាងមិនមានអ្នករងរបួស។

ហេតុការណ៍នេះបានកើតឡើងនៅវេលាម៉ោង៨និង១៥នាទីយប់នៅថ្ងៃទី០៩ ខែវិច្ឆិកា  ឆ្នាំ២០២៤  នៅចំណុចផ្ទះល្វែងជាន់ទី១ ផ្សារអន្តរជាតិបាវិត  ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។

យោងតាមសមត្ថកិច្ចនគរបាលក្រុងបាវិតបានឱ្យដឹងថា បន្ទាប់ពីមានសេចក្តីរាយការណ៍ពីប្រជាពលរដ្ឋភ្លាម កម្លាំងសមត្ថកិច្ច បានធ្វើការជួយអន្តរាគមន៍ពន្លត់បានទាន់ពេលវេលា ដោយប្រើប្រាស់រថយន្តពន្លត់អគ្គិភ័យចំនួន១១គ្រឿងមកអន្តរាគមន៍បាញ់ទឹកពន្លត់។

ប្រភពបន្តថា ការមកអន្តរាគមន៍បាញ់ពន្លត់គឺមាន  រថយន្តពន្លត់អគ្គិភ័យរបស់អធិការដ្ឋាននគរបាលក្រុងបាវិត ចំនួន០២គ្រឿង ប្រើប្រាស់ទឹកអស់ចំនួន ០៣ រថយន្ត។រថយន្តពន្លត់អគ្គិភ័យរបស់អធិការស្រុកស្វាយទាប ចំនួន០១គ្រឿង ។

រថយន្តពន្លត់អគ្គិភ័យរបស់ស្នងការដ្ឋាននគរបាលខេត្ត ចំនួន០២គ្រឿង។

រថយន្តពន្លត់អគ្គិភ័យរបស់ស្រុកចន្រ្ទា ចំនួន០១គ្រឿង ។រថយន្តពន្លត់អគ្គិភ័យរបស់ស្រុករំដួល ចំនួន០១គ្រឿង ។រថយន្តពន្លត់អគ្គិភ័យរបស់កងរាជអាវុធហត្ថក្រុងបាវិត ចំនួន០១គ្រឿង ប្រើប្រាស់ទឹកអស់ចំនួន ០៤ រថយន្ត ។

រថយន្តពន្លត់អគ្គិភ័យរបស់កងរាជអាវុធហត្ថខេត្តស្វាយរៀង ចំនួន០៣គ្រឿង ប្រើប្រាស់ទឹកអស់ចំនួន ០២ រថយន្ត។

ប្រភពបន្តថា ក្នុងហេតុការណ៍អគ្គិភ័យនេះដែរ មិនបណ្តាលឲ្យមានមនុស្សរងរបួសនោះទេ គ្រាន់តែមានការខូចខាតសម្ភារ:ប្រើប្រាស់មួយចំនួន  ខណៈមូលហេតុ ដោយសារ បណ្តាលមកពីការឆ្លងចរន្តអគ្គិសនី ៕

ដោយ៖ សុថាន